大陸商場內設動物園 60種動物任睇

大陸商場為咗吸引人流，可以話無所不用其極，之前大家應該有留意過有商場竟然買咗一隻北極熊返嚟，不過由於生活條件極差，備受抨擊。但如來同一條橋，用喺唔同地方又行得通，武漢一個商場，6月起竟然喺商場內起咗一個室內動物園，而且有成60幾種動物！成個動物園有2,500平方米，分成10個主題區，包括海洋區、叢林區、草原區等，動物包括魔鬼魚、鯊魚、鼬鼠、陸龜、松鼠等等，據講反應極好，每日可吸引成2千人次入場！而大家最關心嘅問題係，生活環境點先？有無虐蓄呢？暫時睇大陸媒體報道又好正面喎，記者話唔單止無臭味，動物嘅居住條件仲唔差，因為園內做足通風設施，加上空間感十足，唔會太狹窄。據講中國旅遊研究院已經密切注意呢個動物園嘅運作模式，考慮可以喺呢類人口稠密嘅地方引入動物園，同人類共生，保養動物之餘仲可以教育小朋友呢！

商場客人仲可以近距離接觸動物，唔怕的話。

動物園有60多種動物，將來會引入多10多種。

另外有海洋區，飼有多種魚類。

相關文章：

金黃葡萄球菌 搭長途飛機 小心染上「機艙惡菌」

【2017日本紅葉詳細版】賞楓預測＋景點推薦

網紅勇闖荒廢鬼屋 台中鬼屋成鬼片拍攝勝地

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！