大S徐熙媛逝世︳健康屢出狀況 生產時癲癇發作昏迷 曾患心臟隱疾及情緒病

女星大S(徐熙媛)周一經家屬證實因流感併發肺炎過世,享年48歲。大S多年來曾出現多種身體毛病,生產時仲因癲癇發作缺氧昏迷,身體狀況一直受到外界關注。

大S徐熙媛
大S徐熙媛

大S曾在電視節目《康熙來了》承認曾患抑鬱症,更令佢意識到自己好可能會餓死。後來大S意識到被病情控制,於是尋求醫生協助,加上身邊家人與朋友陪伴,最後用一年時間戰勝抑鬱症。

而在與前夫汪小菲結婚後,大S亦曾經罹患厭食症。大S透露當時體重只有39公斤,後來有幕前演出就將體重控制喺44公斤。大S曾因前夫汪小菲問佢一句「你今天有冇上過磅?」,然後就趁對方出差一星期瘋狂減重10公斤,而減肥方法包括搵營養師規劃菜單、食物份量減半、中午過後禁食、只係食水煮食物及運動等。

大S徐熙媛
大S徐熙媛

大S曾因過於勞累暈低要入院,亦被診斷出有二尖瓣脫垂症。大S 2016年生細仔時,因為癲癇發作而缺氧昏迷,一度冇心跳冇呼吸,最後昏迷十日先甦醒。

為汪小菲誕下一仔一女嘅大S曾經兩度流產,佢透露過第一次流產是2011年3月,亦即係同汪小菲舉行婚禮後數日,原因係胎兒死亡而須終止懷孕。另一次係2018年,當時大S懷孕卻發現胚胎停止發育,只好進行流產手術,而手術後7天必須錄製內地綜藝節目,未能充份休養。

曾徘徊生死邊緣嘅大S,喺一次訪問中提到完全不怕死亡這件事,因為人永遠唔知道自己咩時候會走。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!