大S逝世︳黃偉文戴口罩遊東京 發文感謝「素不相識的妳」 引網民爭議後刪走言論
大S徐熙媛新年期間到日本旅遊時,不幸因流感併發肺炎逝世,終年48歲。消息震撼娛圈,更令熱愛遊日嘅港台兩地民眾,對當地流感疫情抱有戒心。
近年定居英國嘅填詞人黃偉文,早前都出發去東京旅行。Wyman喺IG POST咗一張影住航機廁所指示嘅相片,並寫道「幸好懂一點點英文,不然不知道「請拉」的是門?還是屎?」。此外Wyman仲加咗幾個hashtag,當中提到「#本來還幻想沒有那麼嚴重本來還心存一點僥倖現在當然決定未來幾天在東京都戴口罩」、「#全家人都會戴口罩」及「#也許是素不相識的妳救了我一家#謝謝」。
由於出post時間正值大S死訊傳出後,Wyman字裡行間嘅「妳」唔難令人聯想到係大S。雖然只係一句相當間接嘅謝謝,但有網民出post對Wyman呢個post有意見。而事後Wyman都將帖文hashtag作出修改。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!