天后減肥奇招大晒冷!濱崎步靠食貓糧Keep Fit

·4 分鐘文章
天后減肥奇招大晒冷!濱崎步靠食貓糧Keep Fit
天后減肥奇招大晒冷!濱崎步靠食貓糧Keep Fit

女人出名要靚唔要命,視減肥為終身事業,喺樂壇唔少天后級歌手為Keep Fit絞盡腦汁,各出奇招,務求以最佳嘅狀態演出,將最好嘅一面展現畀歌迷。

濱崎步火速收身

日本樂壇天后濱崎步早前產後復出開騷,產後兩個月已火速收身,大晒蛇腰,狀態大好!其實過往不時忽肥忽瘦嘅佢,曾經透露過自己嘅減肥大法,當中最令人估唔到嘅係,佢竟然試過靠食貓糧減肥,因主打低脂肪、低熱量,最後仲成功將體脂肪降低到只有15%,遠低於正常女性嘅25%。不過當然醫生唔會贊成大家咁做啦!

除此之外,佢仲有唔少保養身材嘅方法,好似佢會定期整骨,因成日着高跟鞋挑戰高難度舞蹈動作,令雙腳同脊椎長期造成歪斜或是移位,因此佢會定期請整骨師幫佢調整,預防骨盆歪斜所造成嘅小腹問題。佢又會定期浸岩盤浴,可以幫助新陳代謝、消除水腫、排出毒素,也有改善腰痠背痛的功效。當然唔少得控制飲食同做運動,佢為咗維持身材平常都會避免外出食飯,喺屋企煮清淡嘅食物,加上每日去跑步、游泳、做Gym增加肌肉量,令佢可以喺有限嘅時間內變瘦。

濱崎步竟然試過靠食貓糧減肥。
濱崎步竟然試過靠食貓糧減肥。

蕭亞軒食火鍋減肥

台灣天后蕭亞軒擁有惹火身材,佢出道嗰陣曾因為腿粗,而自嘲係只肥下半身嘅「梨形身材」,但近年佢以經將粗腿逆轉,變成好似超模嘅美腿!自稱「吃貨」嘅佢原來用咗火鍋減肥法,由於一餐熱量只有400卡路里,成功喺2個月瘦近15磅,保持Fit爆身形!佢話火鍋以紫菜或番茄等清淡湯底為主,可選擇食油脂含量較低嘅海鮮或雞肉,避免食牛肉,再配以蔬菜一齊食,有助減收多餘油份!但最重要嘅係唔可以點醬油,同埋唔可以食冬粉、米粉、公仔麵等吸油食物,唔係只會愈食愈肥!

佢每日起身會先飲2杯水,再飲1杯牛奶,特別提醒女仔記得要多飲水、補充維他命同膠原蛋白,尤其飲魚湯同雞湯,有豐富嘅膠質就係佢嘅最愛。加上佢會每日做健身,一開始先慢跑45分鐘,之後做局部訓練,仲強調運動後要拉筋,令身體線條變得更靚!

蕭亞軒自稱吃貨,因此唔會斷食減肥!
蕭亞軒自稱吃貨,因此唔會斷食減肥!

容祖兒「揀飲擇食」

天后容祖兒向來都凍齡有術,平時活力十足,完全唔似已經41歲!出道嗰陣有點微胖嘅佢,到依家身材Fit到漏油,原來佢嘅Keep Fit大法,就係全靠「揀飲擇食」,仲會自製健康餐同飲品。佢從來唔會因減肥節食,反面係會揀嚟食,最緊要食得清淡。

佢推薦食灼菜再配搭魚肉同雞肉,保持均衡飲食。佢話過自己會用「慢煮棒」嚟煮雞肉,比起減肥人士最愛嘅白烚雞胸好食得多,因低溫慢煮可以用較少油,同時令肉質更嫩滑亦可以避免營養流失。佢仲會自製健康早餐,好似會食生果、同2塊全麥麵包,以及1杯牛奶,咁樣有飽肚感之餘,又有豐富纖維,同埋攝取每日所需嘅蛋白質同鈣質。佢又會自製低卡水果奶昔,好似一杯佢炮製嘅「粉紅色奶昔」咁,只需要將草莓、香蕉、牛奶放入果汁機攪成汁即可,既好睇又帶來飽肚感的代餐,非常適合減肥嗰陣飲。

容祖兒「揀飲擇食」
容祖兒「揀飲擇食」
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能