天生高大難瘦身 劉穎鏇斷食2個月 飲齋啡頂肚

·2 分鐘文章
劉穎鏇笑言最初以為於《鐵》劇演打女,怎料最終演柔弱角色。
劉穎鏇笑言最初以為於《鐵》劇演打女,怎料最終演柔弱角色。

無綫小花劉穎鏇首次有兩齣劇集同期出街,令她興奮又意外。她表示為了拍穿泳衣選美的戲份,強迫自己進行「186斷食法」2個月,即使餓到打鼓也僅以齋啡頂硬上,認真有毅力!

入行6年的劉穎鏇(Tiffany)主演的無綫劇《鐵拳英雄》及《青春不要臉》差不多時間播出,她坦言感到意外,因已有一段時間沒參演的劇集播出。談到《鐵》劇3年前拍攝,她表示當初誤會演打女,沒料最終獲安排演柔弱女子。

狂摑陳山聰

劇中陳山聰演她表哥,她笑言當時與對方首次合作,開工數日便要拍攝掌摑山聰的戲份,令她相當害怕:「之前完全唔識佢,勁驚整到佢,點知佢叫我真打,仲教我點樣打好睇啲,結果我豁出去,都拍咗幾次,當明白點打之後就好順利。(打咗好多巴?)10巴以下,不過佢冇被我打到面腫,只係少少紅。」又稱拍《鐵》劇獻出不少第一次:「有場戲講我被人強姦,拍嗰時大家都好專業,有身體碰撞,但都係整瘀少少,未至於好傷。」

至於另一套孭飛的《青》劇,Tiffany與丁子朗、余德丞、伍樂怡等合作,她笑言拍攝過程融洽:「劇入面我係滾軸溜冰高手,其實我一啲都唔識,所以跟教練學咗2個月。」又指有一場穿泳衣選美的戲份,特別花2個月時間減磅:「因為本身骨架好橫又高,所以用咗『186斷食』,全日只係6個鐘頭食嘢,維持咗2、3個月,記得當時就算早起身餓到個肚打鼓,都只會飲齋啡頂住,其實好唔健康,所以之後改咗做Gym,等線條靚啲。」

劉穎鏇開心與很多好戲之人合作。
劉穎鏇開心與很多好戲之人合作。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能