天線得得B 7個有趣冷知識 曾被奉為六合彩搞珠明燈 Po配音員係香港人拍過情慾戲

天線得得B
天線得得B

呢期網路熱話一定係旺角某商場玩具店嘅《天線得得B》(Teletubbies) Laa-Laa公仔被小朋友撞跌,家長要賠3萬幾蚊嘅事件。見到碎咗嘅Laa-Laa,勾起唔少90後以至千禧後後生仔女童年回憶,當年亞視仲未淪落到不斷重播舊節目,仲會買下外國好嘢返來,其中一項貢獻就係引入《天線得得B》。細個睇未必為意,原來呢套幼兒節目背後有好多有趣冷知識。

-《天線得得B》係英國BBC製作、俾學齡前兒童收睇嘅節目。1997年首播之後,由於風格同傳統兒童節目唔同,好快就引起注意。《天》一共喺超過120個國家以45種語言配音播放,頭5季一共有365集,到2001年暫告一段落。後來節目喺2015年復播至今。

- 4個「天線得得B」原來有分性別,Tinky Winky同 Dipsy係男仔,Laa-Laa 同Po係女仔。

- Tinky Winky係同志? 當年有傳言話Tinky Winky成日拎住個手袋仔,條天線係三角形,亦即係同志驕傲(gay pride)活動嘅標誌。但係BBC同創作人都否認。

-除咗4個主角之外,「太陽BB」都係記憶點之一。飾演第一代「太陽BB」係Jess Smith,而家已經廿幾歲!佢話當年出世冇耐磅重之際,就有幕後人員同媽咪講想搵Jess演出。

天線得得B
天線得得B
天線得得B
天線得得B

- 仲有冇人記得紅色嘅Po會講廣東話?有網友cap到,Po會喺節目入面數123,間唔中又會講「快d快d」。原來負責配音嘅Pui Fan Lee係香港移民後代,配音以外仲會做下演員。早前有網友思疑疑似Pui Fan為英國第4台拍情色話題劇集Meterosexuality,仲同戲中女演員演繹女女情慾戲。Pui Fan承認劇中人的確係佢,仲話「我係Po,但我亦都係個演員。個角色有趣同挑戰性咪做囉。」

天線得得B
天線得得B

- 內地都曾經播過《天線得得B》,但係有內地人謠傳話節目內容同六合彩搞珠有關,只要悉破當中玄機即可發達云云。據講當年《天線得得B》喺內地收視唔錯,呢個可能係原因之一,咁當然信嗰班都係輸多贏少啦。

- 舊年新冠疫苗面世,唔少政府都搵辦法宣傳。舊年7月《天線得得B》官方twitter出post,話4位天線得得B已經打咗針,仲post相 show針卡。點知卡上嘅出生日期係寫2003年2月出生……咪即係佢地已經18歲?!仲有人質疑《天線得得B》1997年開播,點解佢地4個當時仲未出世?

天線得得B
天線得得B

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!