太多人問幾時生B？王祖藍：外母想亞男喺加拿大生

【星島日報報道】王祖藍、郭晉安、胡楓、岑麗香、張文慈、呂慧儀等，為將於本月25日首播的無線台慶劇《老表，畢業喇！》到學校舉行首個宣傳活動，與校內一班中學生打成一片，場面熱鬧。 《老表》系列靈魂人物王祖藍及郭晉安一同受訪，談到三度合作，安仔說：「每一次都攞我唔同嘅野出嚟，唔知道第四輯又會攞咩！」祖藍笑說：「唔敢講第四輯喇！第三輯已經攞咗我半條人命。」今輯以香港教育為題，祖藍說：「太多人問我幾時生小朋友？問邊度讀書？講到喺香港讀書好似陷阱咁。（結論係幾時生？）外母想亞男喺加拿大生，結論係無結論！」 提到祖藍的《跑男》成員李晨向范冰冰求婚成功，祖藍透露已傳訊息給他們祝賀。他表示事前毫不知情，大家都期待兩人婚訊，因他們都是甜蜜蜜的一對。問到可收到邀請出席婚禮？他笑說：「未喎！可能結婚前一日先通知我呢！」 岑麗香雖然只是客串參演，但都有10集戲份，她更笑言是婚前拍的最後一套劇集。香香透露劇中飾演校花，深得男同學喜愛。她笑說：「我行路會有風扇㗎！不過我個個都唔鍾意，我鍾意咗校長郭晉安。」談到現實中是否校花？她笑說：「當年我比較怕醜，係唔係校花就唔知喇！（好多追求者？收好多情信？）都有少少啦！（講出嚟嚇吓老公？）結咗婚唔使講啦，最緊要佢鐘意我，唔使嚇佢。」（攝影：羅安強）

睇更多