【太太不敵癌魔】林子博失業唔知點交代 10歲細仔叫佢扮返工

【太太不敵癌魔】林子博失業唔知點交代  10歲細仔叫佢扮返工
【太太不敵癌魔】林子博失業唔知點交代 10歲細仔叫佢扮返工

林子博太太Shirley去年患上罕見癌症,殊不知考驗一波又一波,TVB通知子博不會續約,當時佢心裡面講咗一句「x街啦」。

內心對白講完,子博就諗點樣安慰太太,多過擔心生活開支。返到屋企,同10歲大嘅細仔商量點算,阿仔認為唔好話俾患病嘅媽咪知,仲叫佢扮返工。一對仔女相當生性,14歲大女想搵兼職幫補,細仔又話唔使俾零用錢,當然子博唔容許咁做,只想佢地努力讀書。

暪得一時唔暪得一世,最終子博都係要同太太坦白交代失業一事。佢話事前直情對鏡預演一次,提自己「個口唔好震,個樣要定」。等到一晚太太入房,攤喺床度嘅子博準備就緒,但係身邊嘅仔仔依然唔贊成。「點唔講呢?扮返工點帶佢睇醫生?」,然後嘗試輕描淡寫「唔使做啦!唔使擔心嘅」,只係太太身患重病已經好傍徨,再多一個壞消息,爆喊在所難免。

太太病重時,子博有喺屋企擺風水陣。喺早前嘅訪問,子博講到舊年犯太歲,好多人叫佢要小心,本來聽吓就算,而且太太確診前本來有升職機會,點知因病而失業;2個月後輪到本來有得加人工嘅自己失業,感嘆「點到你唔信」。

【太太不敵癌魔】林子博失業唔知點交代  10歲細仔叫佢扮返工
【太太不敵癌魔】林子博失業唔知點交代 10歲細仔叫佢扮返工
【太太不敵癌魔】林子博失業唔知點交代  10歲細仔叫佢扮返工
【太太不敵癌魔】林子博失業唔知點交代 10歲細仔叫佢扮返工