雅虎香港新聞 【太子美食】太子花膠炆米店推套餐優惠 店主：熟客堅持俾正價
雖說疾風知勁草，但疫情反覆加上餐飲辣招，就算是屹立多年的飲食業「勁草」，今次也被迫低頭，更何況是無財團撑腰，無資金護身的街坊小店？「我成日都講，捱得過今次難關，就係實力表現。如果今次都無事，以後有咩難關會過唔到？」開業3年，以招牌雞湯配米粉闖出名堂的「潮州人」店主說。
【立即讚好】全新 Yahoo Food Facebook 專頁
每日鮮熬 鎮店老雞湯
店名「潮州人」，卻不做潮州菜，找不到蠔餅凍蟹打冷等潮汕美食。菜式走家庭feel，鎮店之寶，就是一煲老雞湯，再加新竹米粉，襯其它配料如花膠、大蜆、手切肥牛、廣島蠔、醉蝦等組成餐廳的米粉組合，平均$50/份。人人來到，一份米粉，一份小食，已經吃得飽飽，是間貨真價實的街坊小店。
「我哋菜式只落好少調味，所以煲雞湯就最重要，用約10隻雞每日熬成。雞湯又會用來煮海鮮如大蜆等，湯汁會愈煲愈有味，愈鮮甜。」背後發功者，正是店主Atta。他的身份也有趣，本為空手道教練，開設道場收生。幾年前看中道場附近的舖位，想小試牛刀，以無味精家常湯水加米粉為招牌，頗受街坊歡迎，一開就3年。
熟客支持不享優惠 堅持俾正價
疫情殺到，禁晚市堂食令他店舖生意下跌7成，「外賣幫補到一部份，但整體都係差。」Atta在餐廳facebook出文，以「冰點」形容現時小店的境況，但他再三強調，不會隨便告急。「我都有同其他店主聯絡，其實所有人都做哂可以做的措施，但如果疫情不退，其實做乜都無用。」不過或者是他身為運動員的身份，深明堅持的重要，「我又唔覺得會頂唔到，不過要捱一排。」
就如他早在疫情第三波剛爆發時，已經設計好二人套餐，有2個主食，1份菜，加2份飲品。不過或者小店平時標價已經夠親民，套餐反應一般，最大收穫，Atta說是「有唔少熟客知道呢段時期艱難，主動話唔俾優惠價，堅持俾正價去支持，好想感謝佢哋。」他表示「保持食物質素，疫市下謹慎購入食材，寧願買少一點，售完即止，都不想食材放太久而不新鮮」就是對客人支持最好的回饋。
潮州人
地址：太子界限街12號A地舖(地圖按此)
電話：65366626
全新訂座平台「Yahoo訂餐廳×Openrice」正式上線！
更多太子美食推介
【太子美食】時裝設計師開日系車仔麵店 $55十餸麵 麵條都有14款
