太極樂隊唐奕聰猝逝 鄧建明:好難接受!

·2 分鐘文章
太極樂隊唐奕聰猝逝 鄧建明:好難接受!
太極樂隊唐奕聰猝逝 鄧建明:好難接受!

太極樂隊鍵琴手唐奕聰(Gary)被指在家中昏迷不醒,亦有說是在街上突然暈倒被送往醫院,疑因心臟病發猝逝,終年57歲。除了是樂隊成員之外,他亦是著名音樂監製,與已故樂壇天王張國榮合作無間。太極成員之一鄧建明(Joey)親證Gary死訊,他說:「係,我剛收到消息,打電話向佢家人查證咗,(佢心臟病猝死?)呢個我唔知,我都嚟唔切反應,我都唔識答你,收到呢個消息好震撼,好難接受(知佢有心臟病?)以前有聽佢講過,但之後唔再講,佢兩個星期前同我上ViuTV節目,佢先幫我彈咗隻歌,完全冇嘢,我都好混亂。」稍為冷靜後,Joey再表示:「我諗Gary都唔想我哋咁傷心。」而樂隊另一成員「HiFi德」劉賢德則以傷心到喊的Emoji回覆。

Gary太太接受東網電話訪問時,言談間未有否認死訊:「我依家唔方便講咁多,有好多嘢要處理,之後再聯絡你哋。」

Gary的表弟藝人李忠希接受訪問時,表示都是1小時前收到此噩耗,更指是對方帶他入行:「我中五畢業時做咗佢助手,日日同佢一齊,幫佢揸車、抄稿、喺錄音室學嘢,佢同我講,如果你鍾意唱歌,不如學唱歌啦!之後就介紹咗老師畀我。佢係我表哥之餘,仲係一個好好嘅前輩,佢世界入面全部都係音樂。」李忠希又指每年的年初一都會見到Gary,但今年因為疫情關係沒有見面,而對上一次見就是他替吳國敬的演唱會做Band,他坦言:「收到消息真係好突然,亦都感覺好可惜。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能