【太空旅遊】民用太空船成功升空 太空旅遊究竟有咩玩?

Yahoo 旅遊


【太空旅遊】民用太空船成功升空 太空旅遊究竟有咩玩?
【太空旅遊】民用太空船成功升空 太空旅遊究竟有咩玩?

正當新冠肺炎疫情打擊全球旅遊業,幾乎全部旅遊都停頓之時,由SpaceX負責嘅「飛龍」太空船成功載住兩名太空人升空,並同太空站成功接合,為美國9年來再次有太空人成功升空。今次試載意義重大,因為SpaceX係代表民用太空旅遊正式啟動!咁太空旅遊又係咩一回事?一般人想玩又難唔難呢?

SpaceX:新一代太空船 又平又快

可能大家會話美國本身有NASA,何必要有公司另外再造火箭?其實除咗用嚟作為讓人觀光之用外,SpaceX太空船代表嘅係最新太空科技,可以用更平更快捷方法送人送物資上太空。以成本計,SpaceX運載一位太空人為5,500萬美金(下同),而目前則為8,600萬,成本大減。而事實上SpaceX於2012年起已經開始幫NASA運貨上太空,可見其技術已經十分成熟。

SpaceX載人飛船成功升空,揭開太空旅遊序章。
SpaceX載人飛船成功升空,揭開太空旅遊序章。

太空旅遊難唔難?

要上太空觀光,先唔計旅費,反而比較重要係錢都買唔到嘅「健康」,因為要升空畢竟要接受G重力,基本身健條件唔可以太差,目前未有確實嘅體格要求,或者訓練內容,不過SpaceX強調太空旅客無須太多訓練就可以。至於價錢方面,就係每位5,500萬美金,而最快於明年開始第一輪升空,早前推出4個位,已經賣剩一半,今次試載成功,相信會人更大信心,好快應該會賣出剩餘空位。

SpaceX太空船預計可以坐4至7位旅客。
SpaceX太空船預計可以坐4至7位旅客。

行程係點?幾日幾夜?

作為「旅遊」,當然要有行程,雖然目前未有好確實嘅行程,不過初步決定係為期10日,而且已經同NASA合作,到時飛船會會回國際太空站,遊客可以進入太空站參觀,同太空人接觸,仲會試下太空人日常生活,包括進食太空食物、太空運動等。

作為太空旅客,當然要感受一下太空人日常生活。
作為太空旅客,當然要感受一下太空人日常生活。

太空旅遊將普及化?

每人要5,500萬美金,大家可能會話只係億萬富翁先有機會。的確,一開頭價錢一定係極高,不過SpaceX理代係希望推廣普及太空旅遊,票價一定會漸漸降低,有數字估計至2040年,全球太空旅遊經濟會高達2.7萬億美金!實際上除咗SpaceX,波音及維珍都有自家嘅太空旅遊計劃,而且都去到試驗階段。以維珍為例,會推廣更平更大眾化價錢,標訪每32小時就會有一班太空船出發,環繞地球一周約90分鐘行程,收費25萬美金,目前已經售出600多張船飛,可見極具吸引力,目前香港都有旅行社可以代為售買機位,大家可以上網搵搵。

維珍太空希望可以以平價作為賣點,推廣普及。
維珍太空希望可以以平價作為賣點,推廣普及。

潑冷水 太空旅遊 一次意外足以破產

不過就算講定幾多計劃都好,有唔少專家就持相反意見,因為太空旅遊目前仍屬於有不確定性安全隱憂,無人可以保證100%安全,幾千億投資可能會因為一次意外就從此倒塌,唔會再有人冒險報名,而且哪怕只要係其中一間公司有意外,就足以令整個太空旅遊產業倒塌。就係因為如此「不堪一擊」,未必有太多公司願意投資,想普及化未必咁容易。

SpaceX早前無戴人太空船試射失敗,發生爆炸。
SpaceX早前無戴人太空船試射失敗,發生爆炸。

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看