太耐無人住 英國大屋變垃圾屋成為景點

·1 分鐘文章

香港人人都有土地問題,為間屋大家都燃燒盡自己生命,不過去到外國反而有大量吉屋吉地,位於英國利物浦當地就有一間房屋由於太耐無人打理成為垃圾屋,仲變成當地景點!

該房屋4年前開始屋主搬走後一直空置,亦一直無打理,結果整間屋生滿常春藤,亦包括一棵樹、荊棘及各種奇怪植物,外表睇落尤如一所被植物吞噬嘅房屋,當地人更稱之為「怪獸屋」(Monster House),由於「威名遠播」更成為當地景點,吸引唔少人專誠前來參觀,而唔少手多遊人更將垃圾都放於屋內。最慘嘅當然係鄰居,一位52歲鄰居Paul就話植物已經向旁邊生長,更令佢水渠淤塞,要用4千鎊去修理,Paul話每日返屋企都覺得「好似會被怪獸屋吞掉」。

事件被媒體報道後,屋主Jeff終於出現,向受影響鄰居致歉,並承諾會盡快清理全屋植物及垃圾,所以怪獸屋好快就會消失呢!

房屋4年前開始屋主搬走後一直空置,亦一直無打理。
(圖:Liverpoolecho@Twitter)
房屋4年前開始屋主搬走後一直空置,亦一直無打理。 (圖:Liverpoolecho@Twitter)
52歲鄰居Paul就話植物已經向旁邊生長,更令佢水渠淤塞。
(圖:Liverpoolecho@Twitter)
52歲鄰居Paul就話植物已經向旁邊生長,更令佢水渠淤塞。 (圖:Liverpoolecho@Twitter)
怪獸屋成為景點,吸引唔少遊人專誠前往參觀。
(圖:Liverpoolecho@Twitter)
怪獸屋成為景點,吸引唔少遊人專誠前往參觀。 (圖:Liverpoolecho@Twitter)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

行山路線-獅子山-行山好去處-九龍-新界-麥理浩徑-紅梅谷公園-春風亭-交通

行山路線-行山好去處-芙蓉山-荃灣-竹林禪院

台灣單車路線展覽-打卡位旅遊達人分享遊戲環節贏機票