夫妻拍住上爭視帝后？王浩信讚陳自瑤犀利：我唔夠佢嚟！

王浩信於新劇晒演技，被指有力爭取第3次視帝，與今年同樣氣勢強勁的太太陳自瑤，分分鐘有機會齊齊踏上頒獎台。昨日他出席活動時開籠雀勁讚太太，還謙稱能力較對方遜色。

王浩信、姜皓文、袁偉豪、黃智雯、陳煒及傅嘉莉等昨日出席劇集《刑偵日記》宣傳活動，身在內地的主角惠英紅拍片支持。劇中演有人格解離症的浩信獲網友激讚，大有機會問鼎3屆視帝，他表示不敢當，但以往演過失明、搞笑，今次演人格解離絕對是突破，提到若他3奪視帝便與黎耀祥打成平手，他說：「我會繼續努力，作為演員要好Humble咁講，多謝大家支持。」

談到太太陳自瑤今年工作表現突出，又於新劇演女一，被指有力爭視后，浩信表示支持太太有好工作及角色，問到可有幻想夫婦一同踏上頒獎台？他笑說：「我覺得對佢嚟講，任何獎項都值得恭喜，今年佢所有作品都表現得好好，努力咗好多年，尤其是配音好犀利，好多謝觀眾對佢嘅支持。（你有鼓勵佢？）一定有，佢配音做得好好，好犀利，能力遠超於我，我唔夠佢嚟，要請教番佢。」

黃智雯袁偉豪互相踐踏

姜皓文對於該劇於內地率先播獲不俗口碑，將於第11集才出場的他笑指有心理壓力：「未試過角色咁虐心，由拍完到依家，一年幾仲失眠緊。」而袁偉豪日前於節目《開心大綜藝》指拍檔智雯腳頭唔好，令他工作量大減，他笑言只是講笑，問到是否需要請食飯「賠罪」？他說：「唔使屈，開工嗰排都成日請大家食嘢。」智雯笑指兩人合作無間：「我哋會互相打鬧、踐踏，將對方人格踩到最低，之後再拉番上嚟，令對方覺得自己好好。」