【失憶24小時】包辦全劇床戲 爆江欣燕冇底線 張達倫︰佢差唔多全裸

·2 分鐘文章

TVB新劇《失憶24小時》剛剛出街,憑《愛.回家》飾演暖男「嚴謹」為人認識嘅張達倫,今次要180度反轉演一個賤男!更爆嘅係,劇中佢同江欣燕飾演復合嘅離婚夫婦,竟然會床戲連場。

【失憶24小時】包辦全劇床戲 爆江欣燕冇底線 張達倫︰佢差唔多全裸
【失憶24小時】包辦全劇床戲 爆江欣燕冇底線 張達倫︰佢差唔多全裸

張達倫接受YAHOO TV《娛樂訪談》訪問,佢話睇完《失憶24小時》劇本見到有咁多床戲都打個突,監製王心慰直情話將全劇嘅親熱鏡頭由佢同江欣燕包辦晒。張達倫笑言「自細睇江欣燕演出」,拍之前完全唔識,而且呢啲床戲唔止喺張床發生,山頭車震、廁所激戰統統有齊。張達倫仲爆江欣燕冇底線,所以差唔多全裸都冇問題,「佢對我太信任,就咁黐住(示意心口黐膠紙)……我反而尷尬!」。

【失憶24小時】包辦全劇床戲 爆江欣燕冇底線 張達倫︰佢差唔多全裸
【失憶24小時】包辦全劇床戲 爆江欣燕冇底線 張達倫︰佢差唔多全裸

新劇演賤男,呃女人錢又呃感情﹐正所謂「成世人流流長,總會遇到幾個人渣」,現實生活中張達倫都聽過唔少,而且衰人不分男女,甚至喺街撞見過朋友嘅女友同另一個人行街。不過張達倫遇過最爆嘅都係呢單︰有朋友send張生日party相俾佢,張達倫見到朋友個老婆喺相入面,點知發相人話「吓,佢係壽星公個女友」!張達倫都補充一句,而家太多相機,偷拍好容易,所以圈中人唔夠膽作反,驚一先足成千古恨,仲話而家娛樂圈嘅人最純品。

【失憶24小時】包辦全劇床戲 爆江欣燕冇底線 張達倫︰佢差唔多全裸
【失憶24小時】包辦全劇床戲 爆江欣燕冇底線 張達倫︰佢差唔多全裸

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!