奧運卻迎來炎夏 日本蠟燭紛紛熱融
延後一年終於成功舉辦東京奧運,相信大家都睇得非常開心,今年天公造美,每日天氣都近乎陽光普照,不過其實大家又知唔知原來今年日本夏天溫度係異常之高呢?
早有天氣預測指奧運期間即7月中至8月中為今年夏天最炎熱時間,而事實上多日奧運都於攝氏35度之上進行,比起東京夏天平均溫度31度高好多。
高溫唔單止影響運動員,連日本居民都十分痛苦,近日位於栃木縣那須郡嘅一間寺廟「長樂寺」,官方Twitter就上載一張連寺廟室內地方嘅白蠟燭都熱到融化而彎曲嘅照片,事後得到媒體報道,後來更引起少網民回應話自己屋企嘅蠟燭同樣有此情況,網民仲搞笑回應「原來蠟燭也會中暑」、「也許蠟燭君只是累了」。其實全球氣溫轉變已經令日本近年出現數次夏天熱浪,更試過接近40度高溫!
相關文章: