「女人節」論盡子宮反思性別議題 創辦人:捍衛身體自主由自己開始 「每個人都是倡議者」

Vera(右)及Sonia(左)為女人節其中兩位創辦人,今屆以本港大碼模特兒陳映同(Lezlie)為封面人物。
Vera(右)及Sonia(左)為女人節其中兩位創辦人,今屆以本港大碼模特兒陳映同(Lezlie)為封面人物。

【Yahoo 新聞報道】如果子宮是一個人,你對她有甚麼不吐不快的心底話?「女人節」創辦人 Vera 與 Sonia 在雅虎香港的分享活動上,鼓勵員工思考性別議題。今屆女人節主題為「A Womb Dialogue」(如果子宮會說話),逾 30 個活動帶領參加者從子宮出發,反思月事、生命孕育、健康等議題,預期逾 1,500 人參加。創辦人又指,每個人都可由自己開始,捍衛及倡議身體自主,近日有中學生爭取破髮禁就是最佳例子 。

文字記者:盧珮瑤

攝影記者:Davies

Vera與Sonia帶著今屆女人節的限量Moon Bag,出席雅虎香港的分享活動。當提到Moon Bag有「舒痛調經粥」,在場女士反應熱烈。兩人除了介紹女人節內容,又與員工們玩遊戲,過程中引導眾人思考「你會點樣形容自己?」、「你有幾常諗起自己嘅身份?」,讓員工反思自身性別與身份的連結,向社會作出敲問,正是女人節之目的。女人節門票收益將捐助多個民間女性組織,包括女移民工庇護中心「白恩逢之家」。

Sonia(左)為女影香港創辦人,同為性別研究學者。
Sonia(左)為女影香港創辦人,同為性別研究學者。
Vera(右)為Sally Coco創辦人,曾舉辦香港首個「真人陰部石膏模型展」。
Vera(右)為Sally Coco創辦人,曾舉辦香港首個「真人陰部石膏模型展」。
兩人到雅虎香港分享女人節內容,並與員工們玩遊戲,反思性別與身份的連結。
兩人到雅虎香港分享女人節內容,並與員工們玩遊戲,反思性別與身份的連結。

「子宮,我真係好多謝你!」

每個女性與子宮都有獨一無二的關係。同為Sally Coco創辦人的Vera育有兩女,「我同子宮無一個好嘅relationship(關係),淨係覺得有個BB住喺子宮入面」。歷過產後抑鬱,她誕下第二胎才感受到子宮的神奇威力,「佢自己會收縮,推個BB出嚟,所以生完真係有同子宮講『我好多謝你!』」Vera形容子宮也令她成為神奇媽媽,「以前好畏高,但經歷兩次生產好似無嘢驚,而嗰樣嘢係因為我身體有咁神奇嘅器官」。

Vera育有兩女,經歷兩次生產後,她發現子宮有一種神奇力量,誕下第二胎後更對子宮表示感激。
Vera育有兩女,經歷兩次生產後,她發現子宮有一種神奇力量,誕下第二胎後更對子宮表示感激。

性別研究學者Sonia則選擇不生育,對子宮又愛又恨,「每次嚟M(月經)都好開心,證明我選擇嘅child-free(不生育)嘅lifestyle(生活方式)可以繼續」。女人節將舉辦「月經探險角」等以月經為題的活動,習慣來經期間吃朱古力調節心情的女士則可參與「朱古力感官探索坊」。

被拒結紮:醫生叫我唔好亂諗嘢

要行使身體自主的權利,現實局限遠超想像。Sonia曾考慮做結紮手術,卻難過登天,「我肯簽字、肯畀錢都無用,醫生會用一個鐘勸我生小朋友,叫我唔好亂諗嘢,你會感覺到你嘅身體真係唔係你」。Vera則提到早前美國法院推翻的婦女墮胎選擇權,「自己嘅身體應該由我決定,呢樣嘢咁私人,但喺public setting(公共場域)變咗大家可以決定」。Sonia續指,坊間反對墮胎時經常提到Pro-life(保護生命),「講緊嘅只係BB嘅生命,但無人pro過媽媽嘅life,無人會諗生育決定喺佢生命中點樣play out(演繹)」。女人節亦會舉辦「你以為有得揀」講座,探討女性身體自主權的局限。

Sonia找不到醫生願為未婚、未生育的女性做結紮手術,令她感受到身體自主的局限。
Sonia找不到醫生願為未婚、未生育的女性做結紮手術,令她感受到身體自主的局限。
Sonia(左)指,早前美國法院推翻婦女墮胎權,令懷孕的青少女未能重新就學,繼而難以經濟獨立,造成遺傳性貧窮。
Sonia(左)指,早前美國法院推翻婦女墮胎權,令懷孕的青少女未能重新就學,繼而難以經濟獨立,造成遺傳性貧窮。

改變現狀 由自己開始

早前一名瑜珈教練遇害,坊間湧現「厭女」言論。Sonia 形容這是社會一大警號,「原來唔好彩發生喺你身上嘅時候,係無人會企喺你嗰邊」。Vera 認為,每個人都需勇於帶頭改變,「你夠唔夠膽去糾正佢呢?其實每個人都係 advocate(倡議者)」。近日中五生爭取破「髮禁」一事正是勇於改變的最佳例子,「大眾畀佢一個規矩,但想留長頭髮係佢嘅選擇,係我想點樣表達自己」。Vera教育女兒時不忘強調身體自主,灌輸「身體氣泡」等性教育觀念,「同人握手前都要問過人先,你都可以拒絕同人握手,所有concept(觀念)都係圍繞你想做咩選擇,係你自己決定」。

今屆女人節限量推出「Moon Bag 愉月禮品包」,當中有多個本地品牌推出的女性用品,包括「舒痛調經粥」、衛生巾等。
今屆女人節限量推出「Moon Bag 愉月禮品包」,當中有多個本地品牌推出的女性用品,包括「舒痛調經粥」、衛生巾等。
參加者購票後,向女人節捐款599元即可獲得一個「Moon Bag 愉月禮品包」,限量只有500個。
參加者購票後,向女人節捐款599元即可獲得一個「Moon Bag 愉月禮品包」,限量只有500個。

【女人節 2022】

日期:2022 年 8 月 12 至 14 日、20 日至 21 日

地點:佐敦逸東酒店

詳情:https://womensfestival.hk/

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能