女性經痛 導致一年損失9日生產力

19+

 

女同事面青口唇白,男同事心知肚明咩事。

 

月經呢件事,咪以為只係女性生理狀況,

當成個社會咁多人都有同一個狀況,就足以係一個大議題,

今屆奧斯卡最佳紀錄短片Period. End of Sentence,就係講述月經帶來嘅問題。

全球有18億女性係有月經,你話係咪好緊要?

最近有個研究,訪問咗3萬幾位15-45歲荷蘭女性,

了解月經症狀對佢地生活有咩影響。

結果發現7名女士當中,就有1個試過因為M到唔舒服要請假。

有3.5%的受訪者,差不多每次嚟M都要請假。

 

超過8成女士承認經期會影響生產力,

專家由此推斷,每位女性因為經痛,一年平均要請假1.3日;

而因此一年平均損失大約8.9日的生產力。

 

負責研究的學者表示,21歲以下女性比起年長的女性,有多3倍機會因為M痛要請假。

但係所有受訪者當中,只有5分1會直接講因為經痛而請假。

去到21世紀,居然仲當月經係禁忌,都幾難以置信。

 

亞洲唔少國家,都開始推行女性經期假,

不過職場文化都未必令女職員可以享用。

其實都有團體倡議,經期假以外,容許女同事月經不適時可以在家工作,

或者彈性上班時間,都係解決辦法。

原文傳送門

你可能還想看