女神形象崩壞！Maggie Q與舊愛吳彥祖同樣髮線向後深移

現年41歲嘅愛爾蘭越南混血兒Maggie Q，有男神收割機之稱，曾同中、港、日、韓、美等男神傳過緋聞，包括吳彥祖、陳冠希、中田英壽、韓裔混血男星Daniel Henney（丹尼爾亨利）等等，早幾年佢更與Dylan McDermott宣佈訂婚，不過可惜兩人最終取消婚約。

當年Maggie Q氣質獨特及身材惹火，曾喺電影《赤裸特工》全裸一幕奠定性感女神地位。2005年開始Maggie Q前往荷里活發展， 2009年之後佢就再冇拍亞洲電影。不過佢都冇放棄內地市場，不時喺微博同小紅書分享生活近況及扮靚養生心得，見到佢無論外貌同身材亦都保持得好好。有網民留意到佢有髮線後移問題，佢個超大額頭令女神形象立即崩壞，望落去缺乏精神，影響顏值。

Maggie Q舊愛吳彥祖同樣因為髮線向後深移，明顯露出超高M字額，成為討論焦點。其實髮線後移問題不止男士先有, 早前都有傳媒影到女神級藝人楊冪與章子怡都有呢個問題。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！