女神變身煮飯婆 葉蒨文超市入貨 掃生蠔餵飽男友

葉蒨文專攻海產,埋首挑選鮑魚。
葉蒨文專攻海產,埋首挑選鮑魚。

處境劇《愛.回家之開心速遞》演員葉蒨文日前去超市買餸,由索爆女神變身精明師奶仔,入貨時眼明手快,狂掃兩打生蠔為男友慶生!她更把握換領現金券的購物優惠,知慳識儉。

在第5波疫情下,不少市民都變成「自家廚神」,三餐靠自己煮飯仔醫肚。無綫藝員葉蒨文(Sophie)日前就去超市買食材準備下廚,由處境劇《愛.回家》的「島大女神」變身煮飯婆。

當日穿短褲晒美腿的她在超市推着購物車入貨,不時將鮮貨拿上手比較價錢及新鮮程度,轉眼間已選好肉類、蔬菜、魚、鮑魚等。雖然已裝滿購物車,但Sophie仍意猶未盡,在超市內四圍張望,原來她的終極目標是生蠔,她向店員查詢一番後,聽從推介買了兩打生蠔,之後再買西班牙火腿及紅酒,入齊貨準備煮大餐!不過,Sophie準備付款時又突然折返取貨,擾攘了一輪。

買足金額攞着數

Sophie事後接受電話訪問,問到是否入貨「儲糧」?她說:「唔係,屋企都儲咗幾日糧,只係日常去買餸。同埋男友下星期生日,依家夜晚出唔到街食飯,所以趁唔使開工就買啲好嘢同佢慶祝。」提到準備付款時突然折返,她笑言全因精明「師奶仔」上身:「差少少先買夠金額有現金券送,所以要買多少少!」

與男友食生日大餐,當然要準備美酒。
與男友食生日大餐,當然要準備美酒。