奶仔添食享艷福 波波胸狠美人魚 水戰江嘉敏

江嘉敏早前拍攝綜藝節目，被安排碧波暢游，突然「胸狠」！出名好身材的「波波」黃婧靈以美人魚Look應戰，結果被曬傷，連戴Bra都覺得痛！

由方紹聰（奶仔）主持的無綫節目《野外步出》大受歡迎，無綫有見及此決定添食，新一輯將於下月播出，更邀來「有料之人」江嘉敏、「波波」黃婧靈、黃美棋及鄧伊婷等擔任嘉賓，一眾美女玩盡水、陸，包括機動遊戲及越野車等，又穿上泳裝展示驕人身材，其中江嘉敏大方「出線」，令現場氣氛Hot爆，她說：「拍足成日，仲要啱啱打完第2針（新冠疫苗），辛苦少少，真係暈住拍，不過幾好玩。（好胸狠？）我都係適當場合着適合嘅衣着啫！」

至於波波則與何泳芍扮演美人魚，唯美背後原來浸足成日，幾乎甩皮，波波說：「除咗食飯，幾乎冇離開過泳池，雖然用足兩支防曬，但最後都曬傷咗。依家過咗個幾月，啲曬痕仲喺度，着Bra壓落去依然好痛！」她看過片段覺得相當有活力，所有女生都健康性感，非常期待節目播出。

黃美棋驚到喊

至於黃美棋到水上樂園玩，她說：「件泳衣係男友幫手揀嘅，最難忘係玩滑梯，有人同我講要護頸先好去玩，我幾年前曾經傷頸，所以好驚，喊咗出嚟！」鄧伊婷同樣變喊包：「我同奶仔玩滑浪風帆，點知出到海大家傾咗啲心底話，結果忍唔住喊，真係一路曬一路喊呀！」