【好撞唔撞】運11億毒品貨車撞警車 當堂斷正

 

呢期好多人都會話「惡有惡報等天收」,係咪真?唔知。不過做衰嘢,出事都係睇幾事。   澳洲警方早前破獲一單大型運毒案,起出270公斤冰毒,市值2億澳元,即係接近11億港紙。   嘩,大拿拿11億,破案關鍵唔係踩到線,或者搵卧底跟足3年又3年,係對家自己送上門。   28歲嘅貨van司機,車住咁大批貨,居然喺警署門口撞到架警車。睇返閉路電視片,佢唔係泊車撞到,唔係窄路揩到,係一大條直路仲要有好多位剩,司機自己衝埋去!

事後警方周圍搵呢架不顧而去嘅貨van,調查之後就發現車上有一大批冰毒。而家呢位濕滑嘅司機被控運毒同不小心駕駛等罪名。   都唔知係個司機唔好彩,定係警察好彩!「惡有惡報等天收」係咪真?喺呢件事上面,係成立嘅。原文傳送門

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能