【好耐無見】昔日少年五虎之一 朱健鈞重返無綫客串拍劇

朱健鈞為無綫劇集客串(圖片來源:微博)
朱健鈞為無綫劇集客串(圖片來源:微博)

好耐無喺螢光幕出現嘅朱健鈞,近日靜靜雞返咗無綫客串新劇《逆天奇案》嘅其中一個單元,雖然離開無綫多年,但睇到佢同演員嘅合照,見到佢外型分別都唔算大,只係肥咗少少,個樣仍然都keep到吓。

唔講唔知朱健鈞今年已經45歲,當年佢中五畢業後就獲得《第一屆寶麗金卡拉OK模特兒大賽》季軍,之後更成為青春懷舊劇《少年五虎》嘅主角之一,飾演年輕時代嘅譚詠麟,更因為呢個角色成為唔少少女嘅偶像。後來拍攝《開心華之里》同胡楓正式上契,成為修哥嘅契仔。

《少年五虎》嘅主角之
《少年五虎》嘅主角之

可惜朱健鈞演藝事業發展一般,2004年離開無綫轉投亞視,其後喺2011年經鍾漢良介紹北上拍攝劇集《一觸即發》,之後留喺內地發展。2012年更同空姐女友結婚,2013年生埋仔仔。

今次客串無綫劇係由劇集監製陳志江穿針引線,鍾意佢嘅朋友到時記得留意啦!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能