姚子羚如狼似虎 摸胸過手癮

無綫劇集《拳王》近日拍攝到擂台戲份，一眾男演員排住隊騷肌。黎耀祥爆姚子羚日日在擂台捧場，而她則大讚朱敏瀚最fit，胸肌操得最靚，準備摸摸過手癮。

黎耀祥、姚子羚、張振朗等昨日在將軍澳電視城為《拳王》拜神，將要拍攝打擂台戲的黎耀祥笑謂腹肌幾近大功告成，笑說：「子羚就開心，場場嚟睇。」姚子羚笑說：「你唔好講到咁，一陣人哋話我狼虎之年，見到仔就開心。（邊個身形最fit？）祥哥就未睇，暫時就朱敏瀚，因為佢分布得平均啲，最欣賞佢嘅胸肌操得好靚。（有冇摸吓？）朱敏瀚就唔敢，唔係好熟，過多兩日先，張振朗就摸過。」黎耀祥笑說：「呢啲女人先講得出，男人講就大件事。」

黎耀祥又期待鄧萃雯回巢拍攝《巾幗梟雄4》，他引用金句說：「人生有幾多個10年呀，上次合作係10年前，想睇吓大家呢10年演技嘅變化，不過仲未落實。」

譚俊彥一集戲大犧牲

張振朗與譚俊彥繼《包青天之再起風雲》再合作飾演兄弟，瘦了很多的譚俊彥剛拍完《換命真相》體重約170磅，雖然新劇只是客串一集戲，但也堅持操fit減到148磅上擂台。張振朗說：「佢同一個泰國拳王對打，拳拳到肉，好熱血。」張振朗則要拍攝12日擂台戲，最辛苦是為肌肉線條不能多喝水，他笑說：「當你見到朱敏瀚拍完擂台戲食雪糕，許家傑又食雞髀、魚柳包，就好想快啲拍完食麻辣火鍋。」