姚焯菲拉埋Daddy做專訪 富爸爸Raman上年擲3千萬掃尖沙咀2樓盤

商台節目《口水多過浪花》搵到姚焯菲同埋Daddy姚輝文（Raman)一齊接受Do姐（鄭裕玲）專訪。訪問當中Raman提到都會驚而家Chantel多咗男仔鍾意，即使要返工都會跟到足，盡量負責接送。Raman亦都講起對囡囡嘅期望，想佢學業同唱歌都兼顧到，但點都要讀完大學先決定係咪做歌手。

姚爸爸本身有返咁上下學歷，難怪都想Chantel至少要有張「沙紙」揸手！

姚輝文擁有紐卡斯爾大學文學士學位及威爾士大學(卡迪夫商學院)工商管理碩士學位，曾經做過多間著名財金界著名公司，而家係一間大中華地區投資公司嘅首席財務官及常務董事，本身有25年基金管理同會計工作的經驗，亦係美國註冊會計師。53歲嘅Raman早排喺Chantel人氣急升期間被「起底」，唔少人都覺得佢係型佬一名，好難得！

做得CFO自然理財有道，Chantel參加《聲夢傳奇》期間，TVB曾經安排另一位學員林君蓮（Kaitlyn)突擊家訪，片中所見Chantel屋企十分闊落，而且景觀開揚，應該係豪宅！有報導話，現時Chantel喺荔枝角一間國際學校就讀，家人為咗方便佢返學，特意搬近啲學校嘅荃灣半山。順帶一提，Chantel媽咪係一位會計師，Chantel仲有個妹，一家4口住呢間大單位，空間綽綽有餘。

另外亦有指Chantel同屋企人早前去尖沙咀一個新盤收樓。據知呢座新樓一個價值910萬高層單位，登記買家同Chantel爸爸一樣叫係姚輝文；另外有個超過2千萬嘅單位，就由一位梁女士買入，未知係咪Chantel媽咪。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！