姚焯菲揀男友 最愛「父」心漢

雖然成為大眾偶像,但姚焯菲承諾不會荒廢學業。
雖然成為大眾偶像,但姚焯菲承諾不會荒廢學業。

年僅15歲的姚焯菲(Chantel)與爸爸姚輝文感情深厚,對於愛女成為大眾的「小公主」,加上娛樂圈人事複雜,姚父依然對女兒充滿信心,他受訪時表示:「坦白講,比賽開始時都有啲擔心,怕佢唔適應呢個圈子同壓力,但後來佢識得享受比賽過程同分配時間,我就好放心喇。」

唔做呷醋外父

他曾表示疫情過後,希望再帶Chantel暢遊巴黎艾菲爾鐵塔,並指「唔想另一個男仔帶佢去先」。但隨着女兒逐漸長大,對其感情生活採取開放態度,揚言絕不會做呷醋外父:「如果佢搵到可以照顧同愛護佢嘅對象,我梗係開心啦!」目前囡囡要兼顧事業與學業,他指已跟Chantel約法三章:「無論如何,佢會先完成大學學位課程,先再決定係咪全職喺娛圈發展。」

Chantel眼中的父親優點無盡,最欣賞對方的時間管理學:「佢係個好有規律嘅人,絕對唔會留到最後一刻先計劃需要做嘅事。(日後揀男友要似爸爸?)都會。」談到今日父親節,她說:「我哋年年都一樣,喺屋企切吓蛋糕,唔會大事慶祝,反而疫情前每年爸爸生日,我哋都會去旅行,同一班親戚出埠慶祝,比較難忘。」

姚焯菲溫馨一吻,姚父甜入心。
姚焯菲溫馨一吻,姚父甜入心。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能