姚焯菲飲水YouTube片近5萬點擊引網民熱議:頒個亞太區飲水最靚金獎畀佢

姚焯菲

TVB選秀節目《聲夢傳奇》進入白熱化階段,參賽者姚焯菲(Chantel)愈戰愈勇,被網民封為「國民初戀」。近日有網民喺6月21日整合姚焯菲飲水嘅影片,並以「未來廣告女王 Chantel」為題上載至YouTube,4日已累積接近5萬收看次數。

Eric Kwok(郭偉亮)曾表示睇好姚焯菲,認為佢表現淡定,天生食娛樂圈呢行飯,而譚詠麟亦大讚佢係一塊翡翠。繼演繹參賽歌《逃生門》大受歡迎,姚焯菲早前憑一首《戀愛預告》再次彈起,YouTube影片由6月5日發佈,截至今日(6月24日)點擊率已達268萬,亦試過連續兩日穩佔網站熱搜榜首位。網民不滿姚焯菲歌聲中夾雜何晉樂(Rock)一句「Oh my god」,TVB亦推出一個滅聲「走Oh my god版」,短短接近兩周,收看次數達24萬。

而近日嘅飲水影片中,姚焯菲只係喺後台同車上飲水,但唔少網民都對姚焯菲飲水行為大讚:「飲水都可以咁好睇,都系第一次」、「飲啖水都可以甜到漏!點算呀?」、「初戀的感覺回來了」等等。有網民仲話會將影片保存,每日都會睇,指如果姚焯菲做咗該品牌代言人一定會買,提議佢可以去拍檸檬茶廣告,幫人重拾初戀感覺,仲話要努力令飲水片上百萬收看次數。

不過亦有唔少網民質疑影片嘅點擊率,問及係咪因為TVB已同姚焯菲簽約而買Views數力谷姚焯菲,網民就黃子華一句「我飲水唔係因為我需要飲水,係因為我飲得型。」留言諷刺:「你哋應該無見過黃子華飲水!」;其他網民亦指:「飲水都話好靚,有排寫喎」、「未出道已經就快比TVB班打手捧死,不如寫佢充滿仙氣撩鼻屎」、「CCTVB洗唔洗頒個亞太區飲水最靚金獎畀佢」等等,指過份吹捧。

影片截圖
影片截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
姚焯菲
姚焯菲
姚焯菲
姚焯菲
姚焯菲
姚焯菲
姚焯菲
姚焯菲
姚焯菲
姚焯菲

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!