「姜嫂」黃曦誼 親熱要問准父母

Candy(左起)、Nancy及Helen外貌甜美,吸引網民追捧。
Candy(左起)、Nancy及Helen外貌甜美,吸引網民追捧。

最近ViuTV透過別注單元劇望打造20人女團,其中黃曦誼(Candy)、歸南茜(Nancy)及蘇凱倫(Helen)特別受關注,但她們竟狠批自己跳、唱、演都不合格!與姜濤傳緋聞的「姜嫂」Candy澄清現時單身,拍親密戲要先問過父母!

ViuTV慶祝5周年推出的別注單元劇《YOLO的練習曲》,找來20位網絡女神扮演人氣女團,當中Candy、Nancy及Helen顏值較高,青春無敵。

被喻為索中之索的Candy謙稱團中靚女眾多,不認為自己較突出。她坦言雖有幕前經驗,但拍劇還是首次:「表現得唔好,父母都笑我似讀稿。(如果組女團,你應付到?)我鍾意嘗試,但自己咩都唔太得,跳舞好生硬、唱歌天分比較差。首要學好演戲,依家仲係摸索階段。」桃花旺盛的她先後與姜濤及陳卓賢傳緋聞,她表示現時單身,若他日被要求拍親熱戲要視乎情況,亦要先問准父母。

Helen有男友力撐

而Helen透露未入行已認識Nancy,所以工作遇到問題時,一定請教對方。她中學畢業後為網店擔任模特兒,後來獲經理人公司睇中,她表示:「起初驚畀人呃,後來問Nancy先知大家同公司。依家入行4個月,唔算好多人識,亦知藝人收入唔穩定,所以有做兼職賣精品。(組女團有冇壓力?)冇,當初導演見我跳開舞就搵我成為其中一個,但我淨係識中國舞,K-POP要扭扭吓未接觸到,所以要進修吓。」與男友拍拖3年的她坦言沒想過收埋戀情,問到對方可會阻止拍親熱戲?她笑說:「唔會,有嘅話會同佢商量,佢都支持我,仲陪我一齊去面試添!」

Nancy探索星途設限期

至於Nancy是兼職模特兒,透露拍劇只花了12天時間,很享受拍攝過程,但直言仍需努力:「有壓力,太少時間背台詞,表情上又要多變化。之前有學少少跳舞同演藝,但明顯唔夠用,其實我做演員係無心插柳,依家見步行步,畀一年時間自己。」

Helen(左)與Candy直認經驗不足,闖星途仍要下一番苦功。
Helen(左)與Candy直認經驗不足,闖星途仍要下一番苦功。