姜濤係電動車潛力代言人

比亞迪成功染藍，除了「長揸比亞迪」專家龔成外，買下第100萬輛比亞迪「漢EV」嘅已故賭王何鴻燊之子何猷君同樣獲市場關注。

富二代、富三代買車向來都係新聞，何猷君買比亞迪近日也獲內地廣泛報道，市場關注曬開跑車（連送禮物畀人都係送跑車）的何猷君，點解唔買法拉利，而係會買比亞迪？

下載Yahoo財經APP

美股、外匯、加密貨幣免費即時報價，自選投資組合獲取相關新聞提示

中港富豪開便宜車

有報道解讀為「中國車終於可用」、「國貨也不差」等等，更有人重提李嘉誠與李澤楷平日開車低調、霍啟剛也由Teala改開國貨蔚來等等，鼓吹中港富豪也要大開便宜車之風；先唔講當中有無marketing，對比亞迪在內地的宣傳效果似乎不錯。

之不過，如果蔚來想參一腳在香港呼籲人買平車，與其搵富二代宣傳，不如包一輯節目畀姜濤學揸車。早前YahooTV《P牌女司機》與ViuTV《學神出沒注意》（嘉倩BB馬路炸彈），都證明車場新手絕對有強大宣傳能力，曾自言未有時間學揸車的姜濤，其實係電動車潛力代言人。

人氣王未做學神

以姜濤傻氣貼地形象，開超跑反而唔多夾，反而賣一架蝕一架、負債高達220幾億人仔仍在掙扎求存的蔚來，正好贊助一系列節目順便幫姜濤學車。姜濤出道3年被封為「人氣王」，最近疑似壓力爆煲，如果有電動車品牌可以幫姜濤「兜風」減壓，對姜粉的宣傳效果，也是可想而知吧。