姜濤揀眼鏡愈大愈好

姜濤工作冇停手,日前拍攝太陽眼鏡廣告。
姜濤工作冇停手,日前拍攝太陽眼鏡廣告。

人氣王姜濤於演唱會後放了一日假,全日在屋企睡足20小時,之後又忙開工。身為廣告界新寵兒,最近他接拍太陽眼鏡廣告,他表示人生第一副太陽眼鏡是小時候跟媽媽到加拿大旅行時所買,整個旅程也戴着,感覺自己變了外國人,又笑言揀眼鏡的標準是愈大愈好:「因為同一個價錢,鏡面大啲感覺抵啲。我成日會借媽咪嘅太陽眼鏡戴,細個覺得戴女裝都冇問題。」提到自己怕熱又怕出汗,是遺傳自媽媽,並爆媽媽有次到日本旅行,全程攬着冰袋行街散熱。

是次乃名人邱子傑旗下的太陽眼鏡品牌,拍攝當日太太邱李茂琪亦往探班,她讚姜濤為人正面又謙虛:「好耐香港冇出一個咁紅嘅歌手,原來我好多朋友都鍾意佢。」可見姜濤已攻陷上流社交界。