姜濤深夜發文講心事 「對身邊的人感到懷疑」
MIRROR人氣成員姜濤最近同隊友Jer(柳應廷)參演彭秀慧導演新片《K風暴》,飾演由路人變明星嘅青年,同現實生活中姜B嘅經歷好接近。首度拍電影嘅姜B開工前後都會抽時間跑步keep fit,仲喺社交平台發表感受。
今日凌晨姜濤就喺IG出post講起拍戲感想,姜B自言比以前更驚同人接觸,笑容都少咗,甚至對工作人員都似乎冇咁有禮貌。姜濤又認為傳媒報導重點唔係佢嘅音樂,自己變成「被比較嘅標籤」,令佢對身邊嘅人感到懷疑。好在因為呢期拍緊戲,姜B覺得能夠專心做一件事,可以同自己好好相處,又期望今日出席活動可以同fans見面。
【突發】姜濤出席品牌活動不適暈倒 花姐代報平安︰休息中 沒有大礙
聽完姜B咁講,今日個活動會唔會更加墟冚架?