姜濤為「冇品」言論道歉 Edan稱未達成共識感可惜 床哥即晚鞠躬道歉

【23：10 更新】床哥在今晚（28日)開live，一開始已表達事情發展至此，非自己想見到。得知姜濤已道歉，他表示接受對方道歉，自己並鞠躬道歉，「對於這兩天，佔用這麼多資源及版面，引起這麼多紛爭，我深感抱歉。」

JFYT打入叱咤五強，成員之一床哥星期一開live，言論引來姜濤在精華片拋下留言「冇品」，令事件一發不可收拾。今日姜濤出席活動再回應，表示向自己「冇品」言論致歉，而Edan就表示與床哥溝通過，但未有達成共識，對此感到可惜。

姜濤表示：「我會更了解我哋之間嘅嘢，佢覺得開玩笑啫，冇造成傷害，但我覺得有，我哋承認佢係冇惡意，但要尊重所有人，佢覺得我講冇品佢會唔舒服，對唔住，我已經道咗歉，佢接唔接受，我都尊重，而佢道唔道歉係佢嘅選擇。」

Edan：「床哥點回應係佢嘅選擇，冇得判斷對錯，我哋未達成共識，係有少少可惜。」他又強調，自己希望大事化小，息事寧人，不希望再將事情弄大。

另一邊廂，床哥在IG表示收到大量對方粉絲的dm，攻擊者不少，其中一個留言更提及他的女兒及學校欺凌問題，他認為用這個議題發洩出心中不滿是不正確，並希望對方做一個善良的人。