姜濤Anson Lo Edan出「籃神卡」鏡粉同「前夫們」狂食快餐鬥快儲齊

MIRROR多廣告拍，唔止因為紅，而係佢地嘅fans真係好肯駛錢去得到鏡仔們代言產品！早前Anson Lo（盧瀚霆）為快餐店拍廣告宣傳新出特飲，fans們為求得到附送嘅「教主」杯墊，有人一次過點6杯，真係飲到血糖上升！

今次同一間快餐店再搵MIRROR成員拍廣告，仲要有齊人氣最強嘅姜濤、Anson Lo 同Edan（呂爵安）。今次係宣傳用手機app點餐，只要跟足指示order指定食品，就有機會換取一套6張「籃神卡」。繼多年前換Snoopy同Hello Kitty公仔之後，又一場食包換嘢大戰再次發生！

為咗換卡，唔少鏡粉一次過訂幾個餐，當然一批「前夫」都要幫手！「我老婆嫁左比Mirror導致婚姻破裂關注組」版主都知道會有瘋狂食麥記嘅情況，特登出post提醒各位兄弟小心身體。

同一個post下面仲有唔少fans留言，希望同其他fans交換手上嘅卡！而快餐店亦有個即時更新嘅表格，等各位fans知道邊度仲有卡換。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！