【娛圈同志】出櫃講時機 小肥遇上JArie即刻確定取向?同志片導演雲翔喺麥記come out

·3 分鐘文章

YAHOO TV節目《Mean 傾》唔覺唔覺做到第4季,新季度第一集即刻講個最多嘢爆嘅題目︰同志come out!由同志電影導演雲翔、歌手小肥同JArie拎走道德底線慢慢傾。

【娛圈同志】出櫃講時機 小肥遇上JArie即刻確定?同志片導演雲翔喺麥記come out
【娛圈同志】出櫃講時機 小肥遇上JArie即刻確定?同志片導演雲翔喺麥記come out
【娛圈同志】出櫃講時機 小肥遇上JArie即刻確定?同志片導演雲翔喺麥記come out
【娛圈同志】出櫃講時機 小肥遇上JArie即刻確定?同志片導演雲翔喺麥記come out

自言對性取向壓抑咗28年嘅小肥,上年喺陳志雲嘅訪問入面公開同志身份,佢而家睇返就形容係「誤打誤撞」出咗櫃,本身冇心理準備要公開。小肥2017年做咗首歌講性取向,監製叫佢要言行一致,有記者問起就要承認,但係點知冇人發現,而家公開同志身份直情覺得好爽,因為對得住自己。同場現身兼且份屬小肥友好嘅JArie當然一早知道老友秘密,仲幫手做煙幕認係「老婆」,但係小肥好唔客氣笑住話「我一見到佢就即刻firm(確定係同志)」,主持梁柏堅更抵死補多句「好似的士司機咁,冚旗!」。

【娛圈同志】出櫃講時機 小肥遇上JArie即刻確定?同志片導演雲翔喺麥記come out
【娛圈同志】出櫃講時機 小肥遇上JArie即刻確定?同志片導演雲翔喺麥記come out

拍過唔少同性話題電影嘅導演雲翔,作品多次超越電檢尺度搞到要刪剪,但係竟然被批評拍「偽同志片」,甚至連相識多年嘅主持盧覓雪都話「硬係唔肯『砌』」!雲翔直言香港嘅道德尺度同回教國家差唔多,就算有『砌』嘅場面都唔出得街,而且自問作品意識超越『砌』,不過雲翔都話「剪走咗會自己睇」!梁柏堅就搞gag話「就好似高達模型咁,唔砌先係收藏家」。

【娛圈同志】出櫃講時機 小肥遇上JArie即刻確定?同志片導演雲翔喺麥記come out
【娛圈同志】出櫃講時機 小肥遇上JArie即刻確定?同志片導演雲翔喺麥記come out

但係問到如何出櫃,雲翔起初唔承認亦唔否認同志身份,又話「冇出過櫃因為冇入過櫃」,於是盧覓雪先放一馬,後來再追問。雲翔終於話以前好少講出櫃,只係廿幾歲時同過一個好朋友坦白,對方唔係意中人,而地點竟然係銅鑼灣「麥記」。當時雲翔講完立即補充對對方冇意思,驚人地誤會;再之後已經係同弟弟交之代嘞。

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!