娛樂搜尋人氣榜︳全城齊估 推「24歲男藝人」做冠軍 呢位韓國男神仲好有影響力

YAHOO嘅搜尋功能，唔止幫到用戶搵資料，亦令我地知道邊個藝人多人search，可以話係另一種人氣指標！而家即刻公布上星期熱搜十大娛圈人物～

8月30－9月5日熱搜十大娛圈人物

第10位－王麗嘉

第9位－何泳芍

第8位－朱晨麗

第7位－綾瀨遙

第6位－尚氣與十環傳奇

第5位－趙薇

第4位－193 郭嘉駿

第3位－陳潔玲

同鍾舒漫因為生意糾紛而鬧上法庭，最終陳潔玲被判敗訴要向鍾舒漫還錢，散庭後鍾舒漫受訪時，陳潔玲居然自行亂入。呢下神化舉動令佢躋身熱搜三甲。

第2位－李敏鎬

雖然呢期韓流冇早幾年咁強勁，但係男神李敏鎬嘅緋聞都仲係大家杯茶。上星期傳出34歲嘅李敏鎬，同細佢9年嘅女團MOMOLAND前成員妍雨撻著，睇戲遊車河共度伊人生日。不過李敏鎬嘅事務所光速否認，強調雙方認識但係冇拍拖。呢單好有煲水成份嘅緋聞，就令李敏鎬成為上周亞軍

第1位－24歲男演員

細聲講︰風化案相關嘅新聞向來多人睇嘅……上周爆出24歲姓陳男演員因為涉及與未成年少女發生性行為案件而被捕，唔少網民齊齊做柯南，估吓「陳先生」係邊個。由於同被捕者有關嘅資料就係得咁多，於是好多人咪打「24歲男演員」搵答案囉。

8月23－29日熱搜十大娛圈人物

第10位－關楓馨

第9位－梅啟明

第8位－馮盈盈

第7位－何韻詩

第6位－黃心穎

第5位－古天樂 周秀娜

第4位－趙薇

第3位 － Edan 中指

最近有條MIRROR成員Edan被指向隊友姜濤舉中指嘅片段流出，Edan之後否認欺凌姜B，回應話係男仔玩得癲就會咁，不過都承認行為不當。好多網友因為呢隻中指而熱搜條片，成為上周季軍！

第2位－林心如

上星期內地突然傳出憑《還珠格格》走紅多年嘅趙薇，一夜之間所有作品喺串流平台上消失，事件被指同趙薇旗下藝人張哲瀚曾經喺日本靖國神社拍照有關。事有湊巧，同趙薇一齊拍《還》嘅林心如，上星期主動注銷內地工作室嘅登記，令外界揣測林心如係咪有意淡出內地市場。

第1位－Lucas黃旭熙

韓國男團NCT香港成員Lucas黃旭熙，最近被爆大量桃色醜聞，唔止有韓星一大死罪－同女fans拍拖，仲要被指食軟飯駛女友錢，發生關係又唔做安全措施，形象大大插水。Lucas已經親筆寫信致歉，並會中斷所有演藝活動進行反省。一有呢啲醜聞，用戶嘅好奇心都會大大提高，而今次Lucas據聞仲要有不雅影片流出，難怪成為第一熱搜！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！