娛美人:演小角色體驗人生 蔡菀庭連踩30粒鐘冇得瞓

·2 分鐘文章
蔡菀庭不介意由低做起,珍惜每個演出的機會。
蔡菀庭不介意由低做起,珍惜每個演出的機會。

蔡菀庭(Tiffany)由加拿大回港參加《2018年國際中華小姐競選》,轉眼入行3年,由鬥靚到做演員,她並不介意由低做起,演過近60個角色,期間自然難免拍到通宵達旦,最長試過連續30小時開工,沒有時間瞓覺,但她覺得並不辛苦,反而有工作感覺相當滿足。

在處境劇《愛.回家之開心速遞》起步的她,單是在劇中已演過25個不同的角色,包括店員、監犯、明星、秘書等,她說:「自己唔介意做任何角色,只要冇撞期都會接,多謝大家畀咗好多機會我。做咗咁多角色,正好彌補番我冇其他工作經驗嘅缺陷,就算係幾細嘅角色都係一種人生體驗,亦覺得演戲愈嚟愈好玩。」

佛系宅女唔多人追

Tiffany在港選華姐雖然落敗,但在2017年於加拿大參加《多倫多華裔小姐競選》卻是「四料」冠軍,她笑稱是「純屬意外」,因與同學打賭而參選,卻誤打誤撞贏得冠軍。不過身為選美冠軍的她讀書時並非校花風頭躉,她說:「讀書又唔係好多人追,可能我太宅,自己係佛系嘅女仔,可能太冇所謂,令到男仔卻步。」嬌滴滴的她喜歡能夠食得住她的大男人,但又要對她細心。現時專心工作的她對拍拖隨遇而安:「如果相處合得嚟,可以試吓拍拖,但係唔會特登去搵男友,因為工作時間唔穩定,都怕拍拖拖累咗人。」

Profile

出生:1994年6月20日

身高:1米65

興趣:品嘗美食、

旅遊、烹飪

專心工作的蔡菀庭,不心急搵男友。
專心工作的蔡菀庭,不心急搵男友。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能