媽媽護士長專欄#45【在英國一定唔好收埋自己】

she.com
·2 分鐘文章
媽媽護士長專欄#45【在英國一定唔好收埋自己】
媽媽護士長專欄#45【在英國一定唔好收埋自己】

在香港做開護士,來到英國想要重新做這工作就得再次考牌,對於好多朋友來講都唔容易,但所謂機會話嚟就嚟,我最近就有件開心事想同大家分享一下。

話說好多朋友都知,我除了之前在香港醫院當護士長,之後更轉到大學去做教書,教護理系的班和帶學生。

教學生一直係我好鍾意的工作,而早幾日,我終於在英國又可以做番教書嘅工作。事源醫院嘅 OSCE training class 有老師放大假,所以早一個月前 training and development branch 已經問我可否代課。我當然一口就答應,所以今日就去咗代課。而且仲有機會認識咗 training and development branch lead。佢知我以前喺香港做過 education,因為我嗰時第一日 training,介紹自己時就講過自己教過書,所以點解佢哋記得我,而且仲問我有冇興趣 join 佢地做番 educator。我當然好開心,話一定同佢保持聯絡,希望將來真係有咁嘅機會,可以正式做番教書嘅角色。

我的專業有好多同行的朋友,當中有好多 APN 和 educator 都問我嚟到英國可唔可以做 band 6 或點樣可以得到人工待遇好啲。我可以講機會一定有,但你一定要自己把握。

其實在英國無論你從事任何行業,都一定唔好收埋自己。在香港我們可能習慣低調同謙虛,但呢一套在英國行唔通,一來佢地啲文化唔同,只要你唔係講大話,將自己的能力直接講出來絕對唔會引來別人的反感,何況你作為一個新人,喺人地未熟悉你的時候,就更加唔需要收埋自己,一有機會就周圍同人講你以前嘅資歷經驗,機會一到就自然屬於你。

本文作者:媽媽護士長

兩子之母,護理學碩士畢業,任職公立醫院護士超過十年,曾經於最前線對抗沙士疫症,及後晉升醫院護士長。因懷有提升香港護理行業者質素之理想而開展教育事業,於多間專上學府擔任護理系講師多年。現移居英國並於當地成為註冊護士。

fb @ HKnurseUK

更多相關文章:

加拿大移民專欄 (4) 幫得就幫 還是 己所不欲?

女生必備的10個財商智慧

【2021即食麵排行榜】美國達人選出全球十佳盒裝麵 本地鋒味拌麵上榜為港爭光


Follow she.com on Facebook & Instagram