嫌身形唔夠Fit 曾淑雅:有進步空間

曾淑雅
曾淑雅

「長腿女神」曾淑雅(Jumbo)最近跟閨蜜Staycation(宅度假),昨日在社交網上載泳衣相,留言「4月試水溫」。穿粉紅色比堅尼的她身材勻稱,網友紛紛讚她火辣。Jumbo受訪時笑言:「今年首個下水禮,對上一次落水已經係舊年10月,喺酒店Staycation當去旅行,影咗好多靚相,個泳池都係啱啱開番,咪落去浸水,影相留念。」

堪稱健美達人的她除了熱愛行山,亦有做普拉提,她說:「身形算保持到,好彩呢個冬天冇食得過火,我又有做運動,線條都仲喺度,但覺得有進步空間。之前我做腹部運動較多,今年想操多啲上半身同手力,練番手同背嘅肌肉,目標係做到引體上升。」