孖仔同日娶孖女 仲要一齊住

19+

 

話就話孖生嘅,諗法可能會相似啫……

都唔駛「痴纏」到咁吓話?

 

美國俄亥俄州有個地方叫Twinsburg,每年都有「孖生節」,

好多真.Twins都會參加,號稱全球最多雙胞胎出席。

一年前,孖女Brittany 同Briana就喺呢個活動上面,

認識另一對孖仔Josh 同Jeremy。

 

之後,孖仔去孖女嘅家鄉見面,兩兄弟就知走唔甩,

係佢地啦!

 

佢地連首次約會同求婚地方,都係叫Twins Lake State Park,

求婚日子仲要係2月2日,即係2-2……

新娘s話,自細就有諗過兩姊妹一齊搞婚禮;

而新郎s就話,佢地2個發過誓,唔係孖女唔娶!

咦,家陣咪滿足晒4個願望?!

今年「孖生節」,呢兩對戀人就決定步入教堂,

同年同月同日行禮之餘,仲要連禮服、婚紗同頭紗都一樣。

我睇咗好耐都分唔到邊pair打邊pair……

 

唔止咁,2pair人仲打算一齊住一間屋,仲要有仔一齊湊。

如果又係起孖的話,成屋都係複製人咁,

何其壯觀呀~~

報導原文

其他內容