孖陳山聰預告水着look祝捷 姚子羚誠心求姻緣 好仔不嫌多

姚子羚與陳山聰昨日現身劇集宣傳，山聰揚言收視達35點就以泳褲上陣，子羚亦表示以三點式加外套示人。而講到新年願望，子羚坦言希望早日遇到如意郎君，更笑謂不嫌多。

陳山聰、姚子羚與伍允龍等昨日現身劇集《鐵拳英雄》的宣傳活動，同劇的唐詩詠及陳展鵬分別因病及拍劇而未能到場。該劇收視最高達25點，成績不俗，山聰即場許下承諾：「如果有35點收視，我就着泳褲。」並游說子羚穿三點式：「真係好耐冇35點，如果有就犧牲吓啦！」子羚聞言一口答應，但又補充說：「三點式加件褸啦！」

講到虎年犯太歲，子羚表示去了拜神求安心，問到有否求姻緣？她坦承：「有求姻緣，希望早日遇到如意郎君。（你唔係已經有咩？）如意郎君唔嫌多。」提到胡定欣日前探望山聰的兒子Jaco時被冷淡對待，山聰笑言：「因為定欣成日整鬼佢，其實有啲佢兩個好老友嘅片，但我冇擺出嚟，warm up後佢一直畀定欣抱住都冇問題。（你喺社交網話懷疑定欣有體臭，所以Jaco咁對佢？）佢即時打嚟鬧我『玩嘢』，我要封多兩封大利是畀佢先得。」

伍允龍飯局「相睇」

另外，子羚在劇中連場打鬥，她稱拍打戲壓力大，隔日一小打、3日一大打：「記招式已經好難，仲要打得流暢真係唔容易，自己唯一好處就係唔怕痛，嗰排每日返屋企兩隻手都係瘀晒。」

至於伍允龍透露劇中與王子涵的感情線將會出現，問到新年可有被母親催婚？他笑說：「冇，因為佢知道我仲心急過佢，都想搵到個好伴侶，有同朋友食飯認識吓，感情事可遇不可求。」