學網球結師徒緣分 于淼與漫畫家擦出愛火花?

·2 分鐘文章
于淼覺得運動型男士十分吸引。
于淼覺得運動型男士十分吸引。

現時單身的于淼最近跟猛男有約,對方正是著名漫畫家劉雲傑,近年男方兼任網球教練,與于淼結下師徒緣分。問到有否機會擦出愛火花?于淼笑言:「要再睇吓!」

藝人于淼擅長田徑,近半年積極學打網球,其教練大有來頭,是經典漫畫《百分百感覺》主筆劉雲傑,她大讚對方:「我係初學者,劉老師教得好細緻,第一個教練好重要,我搵到個好信任嘅教練。」她笑言不是在香港長大,最初有眼不識泰山,不知對方是本地著名漫畫家。問到網球有何吸引力?她認為女士打網球好有型,而且愈打身形愈好:「網球好難,好有挑戰性,我最近先搵到打嘅感覺,覺得自己係勤力多過有天分。」並指運動型男士很吸引:「個人多啲活力,思想都正面啲、身體健康同身形好啲。我第一個男友就係足球員,佢係學校風頭躉。」

問到是否有機會跟劉老師擦出愛火花?她笑言:「要再睇吓,其實打網球真係要『擦』㗎,我同好多男仔都打唔到,啲人打得好隨意,我哋係講究個球擦板。」

獲讚有天分

而劉雲傑坦言最初打網球只為健康:「畫漫畫係燃燒生命,因為坐嘅時間太長,好多前輩身體都唔好,我揀打網球係因為有挑戰性,而且冇乜肢體碰撞,打咗10年後以為自己好叻,後來遇到網球高手,我做咗佢徒弟。」在對方建議下,他將私人筆記本變成網球手冊,2人又成立網球會推廣網球運動:「我幫幫吓就變咗教練,都做咗4年。于淼依家係發燒友,佢有興趣就已經係有天分,佢係演員,所以模仿力強。」

于淼讚劉雲傑細心,是值得信任的教練。
于淼讚劉雲傑細心,是值得信任的教練。
劉雲傑與于淼打波前做熱身。
劉雲傑與于淼打波前做熱身。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能