雅虎香港新聞 【學IG明星寵物】聖誕齊賣萌 幫可愛毛孩扮靚靚影相小秘技
聖誕節除了要將屋企布置得色彩繽紛、充滿節日氣氛之外，有養寵物的朋友們不妨也花點心思，跟當紅IG明星狗狗或貓貓學幾招，選購一些紅卜卜、閃令令的聖誕小飾物，為家中毛孩cosplay扮靚靚吧！然後再影張靚相，製成聖誕e-card送給朋友，既萌爆又環保。
（1）聖誕老人look
最有氣氛的聖誕扮靚方法，當然是扮聖誕老人。得意法鬥 @theobonaparte 6歲已經有超過30萬粉絲，主人每年聖誕都會為牠添置聖誕裝，影靚靚聖誕相與全球粉絲分享。坊間其實有不少現成聖誕老人狗仔衫，直接著上就可變身，easy job！或可加副黑超、酒樽、聖誕襪或聖誕樹做道具，令毛孩睇落更有型，說不定下隻明星狗狗就是你家毛孩！
（2）帽子戲法
日本明星柴犬 @shiba_charmy 坐擁超過40萬粉絲，全因生得肥嘟嘟和形象百變！大家可以學牠的主人，親手製作特別造型聖誕帽，或者入手市面上紅卜卜的聖誕帽、畫家帽，或是大大隻的鹿角、聖誕樹等頭飾，戴上毛孩頭上搞鬼又趣緻可愛，而且這些小裝飾價格得宜，非常抵玩。這招連法鬥 @theobonaparte 也常用呢！
（3）冬日暖笠笠配飾
除冷帽外，最有冬日氣氛的扮靚靚配飾，當然有暖笠笠頸巾、冷襪及毛毛拖鞋。你看，明星柴犬 @shiba_charmy 穿上頸巾也毫無違和感，連擁有超過100萬粉絲的刺猬 @mr.pokee 和牠的貓貓好友都用這招搶晒鏡！
（4）閃令令LED燈
用裝飾聖誕樹的LED燈放在毛孩身上，燈泡發出閃爍的七彩燈光，萌爆之餘又浪漫。不過將聖誕燈披在動物上時要非常小心，勿將電線纏得太緊，而且不應選用濕電的燈，拍照後亦要記得立即將燈拆下呀，安全至上。
（5）聖誕小擺設
貓主子不像狗狗般容易控制，貓奴或者不易為主子裝身，一於學這些明星兔兔和貓貓吧！用聖誕擺設或小飾物當佈景，讓心愛寵物在佈景前「做自己」，捕捉最自然一面，一樣萌爆！
今年聖誕不如大家一起乖乖留在家中，幫寵物扮靚靚，影張靚相與朋友們「爭妍鬥麗」！
相關文章：
_____________________________
下載全新Yahoo App
按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！新人更可即時換領限量新人禮，立即下載！
