男友鄭雋熹捲JPEX案 林穎彤年幼陪母行乞 自卑到唔敢俾人知住屋邨 阿媽曾涉桃色糾紛

林穎彤
林穎彤 & 鄭雋熹
林穎彤同鄭雋熹近期捲入一宗於公眾地方行為不檢案件

TVB男藝人鄭雋熹因涉及JPEX案被捕,令佢同林穎彤(Bella)嘅戀情忽然曝光,更爆出二人捲入一宗涉嫌在公眾地方行為不檢嘅案件。有傳鄭雋熹同Bella秘戀兩年,而鄭本身家底唔錯,符合向來鍾情「財俊」嘅Bella口味。之前Bella同過家境良好嘅伍富僑及星級設計師何偉立一齊,但都分手收場。而Bella嘅IG近來就有唔少靚手袋post出嚟,佢就回應話「我都做咗好多年嘢」。

林穎彤入行多年,終於可以用下名牌
林穎彤入行多年,終於可以用下名牌

終於捱出頭嘅Bella,查實細個家境清貧。早年有報導話,喺葵涌長大嘅林穎彤,出世冇耐佢爸爸就拋妻棄女,Bella媽媽要獨力湊大個女。試過無計可施之下要抱住Bella行乞同執紙皮,後來申請到綜援先至改善到生活。生性嘅Bella童年時因為想要嘅禮物而參加電視台節目,因此被發掘做童星,十歲時同馮寶寶拍過亞視劇集《萬家燈火》,之後又接show唱歌表演。到16歲Bella參加選秀節目《十人巷》勝出而加入TVB,由於做藝人收入唔穩定,佢試過去眼鏡鋪打工幫補,直至主持《安樂蝸》後漸為人認識,收入先開始穩定。Bella唔止做主持,參演劇集《城寨英雄》孖辮妹「鑫鑫」一角,觸動無數觀眾。近年Bella簽約星夢做埋歌手,再撈多瓣。

林穎彤過去接受Yahoo TV《娛樂訪談》,都提到因為家境而自卑嘅往事。Bella話七八年前試過有位圈中前輩揸車送佢返屋企,因為唔好意思要對方泊車喺自己住嘅屋邨,又驚對方知自己嘅家境,於是叫呢位前輩俾佢喺附近另一個屋苑落車。點知前輩好細心咁想等Bella入咗屋苑大閘先走,Bella唯有硬著頭皮㩒大閘密碼!好在喺俾人發現之前,前輩已經揸車走咗,如果唔係就超尷尬!

而家睇返Bella覺得件事好傻,當時個人冇自信,好介意人地點睇,其實係要接受先自己出身, 而家已經唔會咁做。

即使係咁,因為媽咪住慣咗,林穎彤早兩年仲未搬離葵涌屋邨。而Bella嘅媽媽前年捲入桃色糾紛,被爆料同年輕男性有不道德交易。記者向Bella了解事件,Bella話係媽媽同人有金錢瓜葛,已經報警云云。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!