宋熙年細仔出世喇!陳智燊第二次做爸B嗌好攰

·1 分鐘文章
Jason又做老竇,細仔叫Jamie同大家打招呼~
Jason又做老竇,細仔叫Jamie同大家打招呼~

陳智燊(Jason)與宋熙年第二個小寶貝出世喇!Jason於社交網公布喜訊,並指細仔叫Jamie,相中所見,Jamie眼大大、面圓圓,頭髮濃密,相當可愛。Jason接受東網訪問時難掩喜悅,更以「好攰」來形容現時湊兩個小朋友的情況:「原來屋企有個兩歲小朋友同初生B,係好熱鬧但亦好攰,好彩哥哥Damon黐爸爸,咁媽媽就唔使分身可以專心湊細佬,有時望吓個鐘好快已經係晚上七、八點,搞完阿哥,攬吓細佬,咁就一日,都唔知可以用乜嘢說話嚟形容個種忙同充實。(心情如何?)之前生第一胎會緊張,今次冇咗,不過因為疫情,去醫院都會有小小緊張,但醫院嘅護士同醫生都非常專業,照顧得好好,反而喺醫院送小朋友返屋企嘅時候,就要好小心。」

談到生B趣事,他笑言:「因為啲姑娘見我剪第二次有經驗,所以畀我自己搞,剪嘅時候都幾狼狽,但都完成咗個剪臍帶儀式。(細仔幾重?)佢3.02Kg,同哥哥出世時嘅2.9kg,差唔多,不過,佢依家不停咁食,應該好快變肥B。」