害怕當媽媽!湯洛雯自認頂心杉 憂仔女有樣學樣

湯洛雯於外國讀書時經常下廚。
湯洛雯於外國讀書時經常下廚。

湯洛雯於新劇中飾演一名靚師奶,首次演媽媽的她坦言以前好驚照顧小朋友,笑言怕將來的子女跟她一樣是「頂心杉」。

藝人黃庭鋒、湯洛雯(靚湯)日前拍攝無綫新劇《OPM》,靚湯於劇中飾演師奶,育有5歲兒子。首次演媽媽的她笑言造型時尚,前期是「靚靚師奶」,並「劇透」指大學時期被黃嘉樂「呃咗」而懷孕。提到與小朋友做對手戲很困難,她大讚劇中兒子記對白很犀利。

煮家常便飯冇難度

問到現實生活中是否怕與小朋友相處?她坦言:「以前直頭有啲驚,依家身邊多咗朋友有小朋友,我都相信將來做媽媽時會唔同。(渴望做媽媽?)唔太渴望,太大責任喇!好驚生出嚟同我一樣,哈哈!」又稱拍了不少買餸戲份,煮家常便飯冇難度:「以前喺外國讀書同同學一齊住,我係負責煮嗰個。(男友馬國明試過你嘅手勢?)試過,佢都鍾意,唔知係咪氹我開心呢?」

黃庭鋒狂講英語

而庭鋒表示角色有很多串連,最大壓力是表達不同情緒,是他有史以來最多喊戲的一次,甚有挑戰性。劇情後期講述他成為「金融界狂人」,拍攝當日要不停講英語,他說:「第一次用英語拍劇,而且場戲我諗係香港電視史上用英語對白最長嘅一次,當中好多生物專有名詞。(用咗幾多時間背?)我用咗兩個幾鐘狂背,都OK嘅,以前做明珠台《港生活.港享受》訓練有素,所以應付到。」

湯洛雯讚黃庭鋒英語流利。
湯洛雯讚黃庭鋒英語流利。
黃庭鋒於新劇飾演「金融界狂人」。
黃庭鋒於新劇飾演「金融界狂人」。