雅虎香港新聞 專訪｜家傭放假外出染疫 港媽與子女相繼中招：冇人接走姐姐
疫情嚴重，不少家中有長幼的市民都自律減少外出，以免長者及小孩受染疫風險，但不少有聘請家傭的僱主都表示，難以要求工人姐姐不在放假時外出用膳。港媽Chloe一家四口，家傭放假後不適，快速測試呈陽性，要在家等待確診及送院安排，期間Chloe與子女亦相繼「中招」。
Chloe一家四口，與丈夫育有的一對子女分別11歲及4歲，他們有聘請家傭。Chloe向Yahoo新聞表示，兩星期前工人姐姐放假外出，三天之後出現咳嗽，「佢話食咗辣椒喉嚨有啲痕，無事」。之後工人姐姐病情惡化，表示「好唔舒服要睇醫生」，做快速測試發現呈陽性。
「佢話只同一個朋友去咗旺角食嘢，冇同一大班人一齊，唔知喺咪出面除口罩食嘢中咗。」工人姐姐於上星期日排急症室做到醫院檢測，至今仍未收到結果，只能回家等待。「醫生仲叫姐姐要最後一個沖涼，因為霧氣會搞到周圍都喺菌，跟佢後面沖涼的人會吸入啲菌。」
Chloe的子女相繼發高燒，做快速測試同樣呈陽性，「發燒期間小朋友完全唔食嘢，怕凍，高燒唔退，食退燒藥都退唔落去。」子女中招後，「星期一晚輪到我自己發燒，發冷到瞓唔到，身體會不由自主咁震。」Chloe的快速測試結果亦呈陽性。
她表示一對子女近日完全沒有外出，丈夫因工作經常做檢測亦是陰性，接發病的時間推測，有八至九成機會是被工人姐姐惹到。她認為很難要求工人姐姐放假不外出，「就算叫都冇用，佢唔會同意」。
Chloe將經歷發文到社交媒體，表示「姐姐仍然病得好緊要，又冇人接佢走」，獲大批僱主關注，不少人留言指有類似經歷，「我姐姐都係星期日出去，今日開始發高燒中咗」、「我都比我姑奶個姐姐傳染到全屋中哂咁滯！最擔心係我有個9個月bb」、「同樓主一樣，依家都唔知等咩，成家都差不多病好」。
此外，有家長留言指很難避免工人姐姐外出，「我屋企bb啱啱1歲，我個工人今個禮拜一定要出去，唉！」、「邊個姐姐會認同一班人出去？」，Chloe則認為，只能盼望姐姐不要參加聚會。
現時Chloe一家正等候醫院檢測結果，她表示一對子女已退燒正在康復，但工人姐姐卻持續不適，令Chloe擔心子女會再次受感染，她與丈夫亦要暫時分開睡，「我屋企只有兩房，現時姐姐一間房隔離，我一間房隔離，我先生同小朋友只能瞓廳」，並由丈夫負責家務、煮飯及照顧子女。
相關新聞：
