密密做Gym 冠軍級毅力 宋宛穎「雙線」發展 愈餓愈勇

天生麗質也要後天努力,宋宛穎不敢鬆懈。
天生麗質也要後天努力,宋宛穎不敢鬆懈。

港姐冠軍宋宛穎身形弗爆,除了遺傳母親的優良基因,亦靠後天努力。為保持纖瘦身形,除了每日做運動,更會戒糖及晚上6時後不進食,誓要練出人魚線和馬甲線,直言要靚就要付出代價。

應屆香港小姐冠軍宋宛穎(Sabina)來自選美世家,靚是基因遺傳,弗爆身形則是靠後天努力,選美前跟私人健身教練Kelvin NG進行特訓,成就今次奪冠。選美期間減去15磅,體脂也有所下降,她說:「一向有做Gym,但希望有完美身材,所以選美嗰陣跟教練密集訓練。本身手臂肌肉好少,做Gym後多咗肌肉,有力好多。終極目標人魚線、馬甲線都擁有,不過,都要練多一段時間。」

戒糖後不覺餓

擁有靚身形自然要付出代價,宋宛穎透露基本上是日日鍛煉身體:「唔得閒去Gym都會喺屋企做Work Out,要靚就要付出代價。」日常飲食她會盡量少吃糖,她說:「盡量少食碳水化合物,食太多糖唔係咁好,所以都少食白飯,食多啲菜、蛋白質,一日食兩至三餐,同埋會控制飲食時間,都有用『168斷食法』,通常6點後就唔食嘢。發覺如果嗰日冇食糖分,就好似唔會肚餓,但係食咗一啖飯,就好似全日都好肚餓。」她覺得戒糖後明顯精神,皮膚比以前好。

見成績添動力

減肥是女人的終身事業,對減磅戒口她並不覺得好辛苦:「反而好開心身體機能進入一個健康嘅狀態,減肥又可以健康、又可以靚。我覺得自己愈戰愈勇,因為睇到成績,就好有動力繼續努力。」

宋宛穎以健身球做出弓字步,再配合旋轉動作。
宋宛穎以健身球做出弓字步,再配合旋轉動作。