密實袋公司幫威威出閃卡 代言人魏浚笙冇份 網民:還我Jeffery

荃灣豬肉檔威威 & 魏浚笙(Jeffrey)
荃灣豬肉檔威威 & 魏浚笙(Jeffrey)

​​喺上年年尾,人氣男團MIRROR與連鎖快餐店合作出鏡仔,掀起全城食炸雞儲卡熱潮,之後亦有其他連鎖快餐店仿效推出偶像閃卡促銷。最近有網民喺社交網站出PO分享一張由密實袋公司推出嘅荃灣豬肉檔威威閃卡,除咗一班「威威豬」表示like爆之外,網民們就對呢張閃卡零興趣,及指品牌代言人係魏浚笙(Jeffrey),唔明點解唔幫Jeffrey出閃卡,反而幫威威出閃卡。

最近有網民喺Facebook專頁出PO分享威威嘅閃卡,閃卡以黃色做底色,而主角威威依舊戴上口罩,擁有一頭濃密嘅黑髮,兼著上一件深藍色企領恤衫,然後擺出招牌畀心心甫士,左下角更有威威嘅燙金簽名。據知今次嘅威威閃卡只係限量推出100張,喺6月參加官方估豬肉重量有獎遊戲,而最接近答案重量嘅頭100位參加者就有機會得到密實袋或密實貼,兼獲珍貴嘅「威威豬閃卡一張」,不過該帖文現時已經刪除。

一班「威威豬」就表示like爆,不過一班網民對品牌就非常不滿,指品牌代言人係魏浚笙(Jeffrey),不過品牌就棄用Jeffrey,反而幫威威出閃卡,紛紛留言表達不滿,例如「真係送都唔要囉」唔吉利嘅嘢唔好帶返屋企」、「平心而論,Jeffery 養眼好多!」、「Jeffery 高咁多班, 唔係咁底能棄Jeffery要隻豬呀? 咁冇代言應該會仲好D, 而家好反感!」、「點解唔係Jeffrey bb」、「搞錯呀 原本Jeffrey好好地依家變左豬肉威」、「佳能密實哥得一個,豬肉威只係冒牌貨!」、「點解有咁靚仔既jeffery佢唔用,要用呢個豬肉切割員? 好恐怖呀 ! 罷買呀」、「趕客定招客,還我Jeffery」、「睇下對死人眼,化完妝,重要p圖,出咭?以為自己係鏡仔呀!」、「唔想見到佢喺我廚房出現」、「有Jeffrey唔用, 用豬肉威? 你無野吓話? 我寧願你無錢就唔好用代言, 都好過用個負型像既代言人 見到就唔想買」、「搵呢個紋身豬肉佬你做你哋代言人,我以後都唔會用你哋嘅產品呀」、「要來墊煲底我都驚比佢嚇親」、「影響市容嘅野好心唔好放出嚟啦」及「即刻唔想用」等等。

買密實袋送威威閃卡
買密實袋送威威閃卡
魏浚笙(Jeffrey)
魏浚笙(Jeffrey)
魏浚笙(Jeffrey)
魏浚笙(Jeffrey)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!