富貴KOL雪姨一年買兩間豪宅 自揭公屋出身五千蚊起家

·2 分鐘文章
雪姨
雪姨

YouTuber雪姨(容可兒、Sharon)去年10月「一炮過」付費950萬買入已故才女林燕妮位於北角寶馬山花園嘅故居單位贈送於媽媽,引嚟各大傳媒報導,佢亦坐擁8間公司,涉及KOL經理人公司、品牌管理、室內設計、美甲等多個範疇,更同陳凱琳合辦卸妝棉品牌,財雄勢大,所以就有「富貴KOL」之稱。而雪姨近日又購入北角半山豪宅單位,不過佢就曾透露自己係公屋出身,今日嘅成就都係靠自己,無任何父蔭母蔭。

雪姨早前拍片分享自細父母離異,與媽媽、公公婆婆10幾人住喺柴灣公屋。而佢嘅第一桶金就來自於啱啱畢業工作嘅儲蓄,當年月薪僅有8千5,但每次一出糧就會將5千元存入另一個戶口。雪姨明白「節流不會發達,還需要開源」嘅道理,於是開始買股票投資、炒窩輪。雖然炒股能夠錢滾錢,不過雪姨覺得好大壓力,後來開始寫blog分享扮靚心得,儲起一班客戶帶嚟額外收入,亦務實做生意。

雪姨直言做生意未試過失敗,最近亦搞作多多,包括專做IP嘅公司已同美國一個卡通公仔簽約,將會推出一系列產品、網購平台開業、投資餐飲食肆等等;而佢近日買落嘅北角半山單位,因為係連租約買返嚟仲未可以收樓,所以就未決定用嚟自住定投資。

雪姨
雪姨
雪姨
雪姨
雪姨
雪姨
雪姨
雪姨
陳凱琳 & 雪姨
陳凱琳 & 雪姨

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能