寫真當自傳 見證成長 張沛樂激到盡：機會得一次

性感女神張沛樂（沙律）在個人寫真集中有大尺度造型照，對於外間將她標籤為性感一族，她不屑一顧，隨着人生閱歷不斷作出轉變，希望藉着寫真帶領大家探索其內心深處。

擁33E驕人身材的張沛樂，相隔5年再推出寫真集，雖然盛傳跟男團ERROR成員保錡情變，但她懶理感情傳聞，全力催谷其首本個人寫真集。她覺得新作有如自傳，認為今年30歲正好適合做這件事，讓大家見證她的成長與蛻變。

沙律透露今次邀請了10位攝影師合作，10個不同造型代表其人生不同章節，由長髮、中髮到短髮，可解讀為過去、現在、未來，當中亦有較大尺度的性感照，她說：「我覺得好靚，好多女仔朋友都鍾意，話我好大勇氣，仲問我驚唔驚？我覺得機會係得一次，用最好狀態勇敢去做呢件事。」

隧道冒險拍攝：幾污糟

她坦言初出道就被標籤為性感藝人，在她看來很膚淺，她說：「其實人係好立體有好多面，除咗性感，喺家人、朋友、伴侶、工作等層面都唔同，希望透過呢本書令大家了解我多啲。」

她笑言與團隊攀山涉水拍攝，相當難忘：「我要去爬山，都難㗎，因為大家要拎住好重嘅嘢。另一輯坐車喺隧道探頭出嚟，要配合兩架車都有啲危險，來來回回6、7次，隧道入面啲熱氣吹落塊面度，感覺都幾污糟。」