寶寶大過天|麥皓兒暴脹身型網民唔認得 1年減35磅搣孕味

·3 分鐘文章
麥皓兒
麥皓兒

TVB劇集《寶寶大過天》正在熱播中,馬國明和岑麗香演繹為人父母嘅悲喜苦樂,商天娥亦喺劇中飾演馬國明媽媽,早前劇情講述佢回憶後生嗰陣獨力照顧馬國明嘅片段,令觀眾留意到飾演商天娥後生版嘅麥皓兒(Cayley)演出,大讚佢嘅喊戲感動,不過亦將焦點放於麥皓兒嘅暴脹身型。

麥皓兒參選2007年香港小姐競選而入行,曾擔任《味分高下》味之天使「忌廉」、《東張西望》主持,多套劇集演出,亦推出過《請你食麺》及《食甜品》等「洗腦兒歌」。當時麥皓兒身型仍屬苗條纖瘦一族,直至早幾年開始發福,佢曾經喺出席活動向傳媒表示自己好大食,可以用好多錢去買零食:「我有個花名叫黑洞,我好擦得,食量超過男士,一星期食四晚放題,一次過可以食兩盒燒味飯,壽司都食到30件以上。」仲話因為之前修讀學士學位嗰陣,成日坐係電腦前寫論文,無咩郁動,同埋需要食甜嘢先有靈感寫論文,食多咗嘢又加上少咗拍劇同做運動以致發胖。

其實唔止一年前接拍嘅《寶寶大過天》令其身形受批評, 2020年播出《機場特警》、《降魔的2.0》等劇集,網民紛紛留意到麥皓兒發福身型,仲以「肥到認不到」同「孕味」嚟形容佢。麥皓兒透露自己一肥就會全身肥,由入行90幾磅去到最高峰超過140磅,自己亦意識到身型同選美嗰陣相差成個碼,決定的起心肝減肥,不過喺減肥期間就接到《寶寶大過天》嘅演出機會,監製指麥皓兒喺劇中飾演新手媽咪,啱啱生完仲未收身,有肉地都係合理,所以嗰排就停咗減肥。而麥皓兒宜家已經成功減走35磅,主要戒食宵夜、均衡飲食、以及做帶氧運動,例如一星期跑3次步,每次跑4k,又有搵教練做核心肌肉訓練,同埋與男友丘梓謙雙人跳繩。不過,麥皓兒表示體重仲未達到心中所想嘅目標,希望自己個身型狀態可以仲fit過選美嗰陣。

《寶寶大過天》截圖
《寶寶大過天》截圖
《寶寶大過天》截圖
《寶寶大過天》截圖
《寶寶大過天》截圖
《寶寶大過天》截圖
《寶寶大過天》截圖
《寶寶大過天》截圖
麥皓兒飾演後生版商天娥
麥皓兒飾演後生版商天娥
麥皓兒
麥皓兒
麥皓兒
麥皓兒
丘梓謙 & 麥皓兒
丘梓謙 & 麥皓兒
麥皓兒
麥皓兒

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能